Bumilog ang bibig ko paghinto ng kotse sa parking lot. Paano’y hindi pa man kami bumababa’y may malaking white screen nang makikita sa harapan namin. Naka-project dito ang pelikulang ‘di ko alam kung ilang minuto na ang lumipas nang magsimula.
“Ito ba ‘yung tinatawag nilang drive-in cinema?” Hindi makapaniwalang tanong ko kay Marco. At nang wala akong narinig na sagot ay nilingon ko siya. Dito ko nakitang pinagmamasdan pala niya ang reaksyon ko. Tulad ko’y malawak din ang ngiti sa kanyang labi.
Mukhang hindi rin niya napansin ang reaksyon niya dahil nang makita niyang nakatingin ako sa kanya, binukas-sara niya agad ang mga mata niya, animo napuwing, bago binalik ang tingin sa harapan.
Narinig ko ang pagtikhim niya bago nagsalita. “Oo. Sumikat ito noong nagkaroon ng pandemic,” sagot nam
