NAKAUPO na kami sa loob ng auditorium. Pinapagitnaan ako nina Cara at Gabriel kaya naman magaan ang pakiramdam ko ngayon. Parang may mga kakampi na kasi ako hindi tulad noon. Tingin ko naman, isa o dalawang kaibigan ay sapat na basta totoo.
Imbes na mag-isip ng kung anu-ano, lalo na patungkol kay Marco na marahil ay nakaupo sa kasunod naming row, itinuon ko ang atensyon sa Freshies Welcome Party.
Nakakatuwang magpunta sa ganitong klase ng event lalo na’t puro online lang kami noon. We even had our Senior High graduation online kaya nakakalungkot para sa mga estudyanteng with honors.
Iba pa rin kasi sa pakiramdam ‘yong aakyat ka ng stage para tumanggap ng diploma at medalya, mapapanuod at papalakpakan ng maraming tao.
The event this afternoon started with opening remarks, and it was s
