Thylane
MALALIM at mahimbing na ang pagkakatulog ko nang maalimpungatan ako dahil sa mga malalakas na ingay.
At sa hula ko’y nanggagaling iyon sa himpapawid, tunog ng isang helicopter at mga iba’t iba pang klase ng aircraft!
Wala sa sariling napatayo ako mula sa kamang kinahihigaan. Agad akong ginapangan ng takot dahil wala na naman sa tabi ko si Steve.
Nanginig ako sa takot dahil ngayon ko lamang narinig ang ganoon karaming ingay sa himpapawid. Tila ba may gulong naka-amba.
Binuhay ko ang ilaw at agad na nilapitan ang umiiyak na si Sandro dahil sa naantala nitong tulog at malalakas na ingay.
Kahit sarado ang kuwarto ay rinig na rinig ko pa rin ang mga tunog ng mga sasakyang pang-himpapawid. Napakasakit n’yon sa tainga!
Ano ba ang nangyayari sa labas? Hindi naman ata sila nagpa-
