Thylane
Isang malakas na singhap ang namutawi sa aking bibig nang maka-ahon ako sa napakalamig na tubig. Nanginig agad ang mga labi ko habang tinatanaw ang isla na medyo may kalayuan pa sa puwesto ko.
“Thylane! Punyeta!” rinig kong malakas na sigaw ni Steve na umalingawngaw sa kapaligiran. Hindi ko iyon pinansin at ipinagpatuloy lamang ang nagmamadaling paglangoy upang makalapit sa daungan.
Hindi pa rin matigil ang pagbagsak ng mga kung ano-anong bomba sa isla, pati na ang mga pag-atake pabalik ng grupo ni Steve.
Sa nanginginig kong katawan ay pinilit kong hanapin ang mukha na noon ko pa nais na makita. Sa bawat helicopter na dumaraan sa itaas ay tinatanaw ko ang mga sakay n’yon, ngunit bigo akong makita ang aking pakay.
Mariin kong ipinagdikit ang mga nanginginig kong labi nang m
