Thylane
“Yehey! Thanks, Lolo!”
Napangiti ako nang marinig iyon mula sa bibig ni Sandro. Tuwang-tuwa ito nang makatanggap ng regalo mula sa Lolo niya. Nagtungo kasi ito sa mall para bumili ng ire-regalo kay Sandro, at ang bata nga ay nakatanggap ng malaking lego na laruan.
Tahimik kong pinagmasdan ang aking pamilya na aliw na aliw sa bata habang sumisimsim ng juice.
Abala ang mga kasambahay sa pagluluto ng ihahanda para mamayang hating-gabi.
“You’re welcome, apo,” ngiting ani Dad habang kalong-kalong ang anak ko. Kita ko ang kislap sa mga mata nito habang nakatingin sa unang apo niya. Halatang-halata na gusto nito ang bata. “Kumusta naman pala ang pag-aaral ni Alessandro roon sa Manila, anak?”
“Okay naman siya, Dad. Magaling naman sa klase.” Ibinaba ko ang baso sa mesa at humalukip
