RYZA SAMSON
Kararating ko lang sa kabilang bayan, sa branch ng cafe namin dito nang ma-recieved ko ang text na galing kay Ryan.
"Babe, pag-usapan natin lahat. Ayusin natin. I can't lose you."
Hindi ko alam kung ano'ng mararamdaman ko habang nakatitig sa screen. Malulungkot ba ako o matutuwa?
Nagpaalam na ako sa kaniya kagabi at tinatak ko na rin sa isip ko na tapos na kami at hindi na dapat magkita pa. Iyon din kasi ang bilin sa 'kin ni mommy at daddy.
Napailing ako bago ko binalik sa bulsa ng trouser pants ko ang phone ko. Hindi ko siya ni-reply-an at inabala na lamang ang sarili ko sa ibang bagay para hindi ko siya maisip.
Gaya sa branch na hawak ko sa city, nagdala rin ako ng mga bagong paintings dito para palitan ang mga lumang naka-display na hindi na masyadong maganda sa panin
