RYZA SAMSON
Umaagos ang luha ko papunta sa unan habang tina-type ang message ko kay Ryan. Ang totoo, kanina pa lang noong magkasama kami ay gusto ko na iyon sabihin sa kaniya.
Pero nanghinayang ako sa pagkakataon. Ayokong sirain ang masaya naming oras dahil baka sa halip na magandang memories ang maiwan sa amin ay maging kabaligtaran lang.
Kaya hinayaan ko na lamang na mag-enjoy kami pareho hanggang sa makauwi, tutal ay iyon na rin ang huli naming pagkikita dahil nag-usap na kami ni daddy na babalik na 'ko sa Italy. Doon muna ulit ako mananatili kina grandma at grandpa.
Naging pabor naman 'yon kay daddy at mommy para kahit papa'no raw ay malibang ako at maituon ko ang atensyon ko sa ibang bagay.
Nakakatawa lang na babalik ako roon upang makalimot nang hindi na si Joseph ang dahilan ku
