WYNTER JUAREZ
Nasa sala kaming dalawa, magkaharap na nakaupo sa couch habang ang cell phone niya naman, na halatang bago, ay nakalapag sa center table dahil sa video na gusto niya raw ipakita sa akin.
At matapos ko iyon mapanood, kung tutuusin ay hindi pa nga tapos, kasalukuyan pa lamang ngunit sumagana agad ang luha ko. Umagos iyon sa pisngi ko habang tutop ng aking kamay ang bibig ko nang makita ko ang sarili ko sa maikling video clip, kung saan bumaba ako sa sasakyan na gamit mismo ni Kuya Bren noong sinamahan ako nito sa cafe, na siya rin mismong sasakyan na nakabangga sa kaniya.
Maikli lamang ang video na napanood ko. Iyong part lang na nabangga ko na siya at natapos sa part na kinuha ni Kuya Bren ang cell phone niya.
Makikita sa video na ako lang ang lulan ng sasakyan at alam ko
