RYAN DELA CRUZ
"Sigurado ka? Ayaw mong kumain?" tanong ko. Dadaan kasi sana kami sa restaurant pero biglang nagbago isip niya. Huwag na raw, diretso na raw kami sa kanila para makapagpahinga siya agad.
"Oo. Hindi pa naman ako gutom." Binalingan niya ulit ako nang nakangiti. "Gusto lang sana kita makasama nang mas matagal pa kaya nag-suggest ako na kumain tayo. Kaso...kahit hindi tayo kumain, sasamahan mo pa naman ako, 'di ba? Hindi ka pa naman aalis?"
Nilingon ko rin siya at bahagyang nginitian. "Oo. Sasamahan kita."
Kaya sa halip na huminto pa kung saan, dimiretso na lamang kami sa kanila. Sa bahay nila.
* * *
Magkasunod kaming naglalakad papasok sa kanila. Wala na 'kong kailangan bitbitin na gamit dahil ang mga magulang na niya ang nagdala ng gamit niya pauwi. Ang tanging hawak ko
