Sa mga nakalipas na araw ay ayaw matigil ni Manuel sa pagpaparamdam kay Melissa na mahalaga ito. Hindi natatapos ang araw na walang tawag galing dito upang kumustahin ang dalaga. Minsan naman ay bigla na lang ito susulpot sa bahay ni Madam Aura. Kauuwi lang ni Melissa galing sa pamimili nang nadatnan si Manuel na kaharap ang mabait na si Madam Aura.
"Mukhang masaya ang kwentuhan natin ah," bungad ng dalaga.
"Mabuti dumating ka na! Kanina pa itong si Mr. Larson, mabuti at hindi mainipin. Sadyang hinihintay ang iyong pagdating." Nakangiti habang nagsasalita si Madam Aura.
"Pasensya na! Hindi ko kasi alam na pupunta ka ngayon kaya nagbabad ako sa labas. Wala naman kasing magagawa dito ngayon." Tugon ni Melissa.
"Gusto sana kitang imbitahin mamaya para sa isang salu-salo," paanyaya ni Man
