Ginawa ni Melissa ang lahat upang ma-divert ang kanyang atensiyon at tuluyang ibura sa kanyang isipan si Gregory. Ngunit may pagkakataon na nauuntog n'ya ang sarili sa tuwing masagi ito sa kanyang isipan. Sa bawat araw na nagdaan, hindi naging madali ang pagsubok n'ya sa paglimot sa binata. Marahil dito n'ya lamang naramdaman ang tunay na attraction sa opposite s*x na agad naman n'yang pinaglaanan ng lahat sa kanya. Isinisiksik na lamang n'ya sa kanyang utak na magpursige s'ya na maiangat ang estado ng kanyang buhay at sarili upang balang-araw ay taas noo n'yang maipagmamalaki na napagtagumpayan n'ya ang lahat. Ngunit ang tanong ay kung paano n'ya ito gagawin. Ilang oras na lang at magsisimula na ang pagdaraos ng kaarawan ng isang kilalang negosyante sa hotel industry. Si Manuel Larson. Ne
