NANG MGA SUMUNOD na araw ay naging malabo ang sitwasyon para kay Jaime at Georgianne. May pakiramdam ang dalaga na iniiwasan siya ni Jaime at gusto niyang maiyak dahil doon. Hindi siya sanay na hindi siya nito pinapansin. Kahit sa rancho ay hindi sila nagkikibuan. Naipagkamali naman iyon ni Georgianne na hindi na interesado sakaniya si Jaime.
Sakabilang banda naman ay nahihirapang tinitignan ni Jaime ang dalaga. Iniiwasan niya muna ito dahil natatakot siya baka sabihin nito sakaniya na uuwi na ito sa Maynila at sawa na sa buhay probinsya. Hindi niya kakayanin iyon kaya naman hanggat maari kapag nagtatama ang mga paningin nila ay umiiwas siya ng tingin para hindi ito magkaroon ng pagkakataon na malapitan siya.
Ayaw niya. Hindi pa siya handang mawala sakaniya si Georgianne. Mahal na mahal
