"Kumusta ang bago mong trabaho, Anak?" Napatingin siya sa kanyang tatay na kakapasok lang sa bahay.
Nanggaling ito sa labas at maaga itong naglalakad para mas ma-exercise pa nito ang mga paa. Mabuti na lang, nang makaalis siya sa pagiging escort ay may naipon siyang malaki-laki ding halaga para sa gamot nito. Sa sweldo naman niya sa kompanya nina Vita ang kanyang iiponin.
Bago kasi siya umalis sa pagiging escort ay nag-ipon muna siya para masiguro na hindi magugutom ang pamilya niya. Nabigyan niya din ng maliit na puhunan ang kanyang ina para magkaroon ito ng maliit na tindahan sa palengke. Ngayon ay nagtitinda na ito ng mga gulay.
Wala na kasing nagpapalaba sa kanyang ina simula nang dumating ang laundry house na ikalawang kanto lang nila. Doon na nagpapalaba ang mga nilalabahan noon
