"Anong ibig sabihin ni Treyton?" Nagtataka na tanong ni Zy sa akin nang mabasa din niya ang nakalagay sa papel. Miski ako ay nagtataka sa mensahe na iniwan ni Seven. Anong senses syrup? "Wala din akong maisip na ideya kung ano ang ibig sabihin ni Seven dito. Wala na siyang iba pang iniwan sa atin bukod rito. Eksplenasyon niya lang ang makakapag-intindi sa atin," sagot ko. Naihilot ko ang kamay ko sa sentido ko.
Nananakit na ang ulo ko sa kakaisip sa mga nangyayari ngayon. Ano na naman ba ang binabalak ng Director? Bakit kailangan niyang ilipat ang sisi sa mga class one students, e siya naman ang nag-utos sa mga ito? Mas marami pang tanong ang bumabagabag ngayon sa utak ko. Ano ba talaga ang klaseng eksperimento na pinainom sa class eight? Ano ang Senses Syrup? Anong gagawin ngayon ng
