Nasa opisina si David, ilang papeles ang mga dapat pa niyang pagtuunan ng oras. Ang lahat ay 'di niya alintana dahil ang nasa isip niya lang sa mga oras na 'yon ay ang susunod niyang hakbang ukol sa kan'yang ginagawa na paghihiganti kay Ben.
Nagbigay siya ng ultimatum sa mga nakatira sa lugar ng mga squater na hanggang sa susunod na linggo na lang sila pupuwedeng manatili kun'di ay gigibain nilang kusa ang mga tahanan nila roon.
Isa na nga roon ay ang bahay nila Luisa. Titingnan niya kung gaano katatag si Ben kapag nakita niya na nahihirapan ang sariling pamilya.
Hinaharangan niya kasi ang lahat nang pinag-aaplayang mga kumpanya ng dalaga. 'Di niya papayagang may makalusot na naman sa kan'ya na kagaya ng sa Matrix Enterprise.
Ngayon pa lang ay nakikita na niya ang nakangiting ina dahi
