"Kanina pa yan nandiyan..." sabi ni Georgia nang nagkita kami sa labas ng hall. Sakto na yong hall na yon e nadadaanan ang parking lot. Dapat kanina pa ako nakaalis. Pero dahil sa isang club kailangan ko tuloy magpaiwan.
Absent ako kahapon sa trabaho, pagkatapos ngayon male-late pa? Considerate naman iyong manager kaso baka isipin niya rin na inaabuso ko ang privilege ng pagiging estudyante at part timer.
"Hinihintay ka..." sabi pa niya.
Umiling naman ako at lumiko sa kabila. Alam ko kung paano matatakasan si Hawk. Wala akong oras para diyan. Masyado na yatang huli para sa amin? May maiipit... ang daming madadamay.
"Tinatakasan mo?" Taas kilay na sunod sa akin ni Georgia.
Umiling na naman ako at inayos ang bag bago pumara ng masasakyan sa dulo. Nahuli ko pa na napailing si Georgia ha
