"Why? May problema ba?" taas-kilay na tanong ni Yell habang hinaharap ang asawa.
Natigil si Dylan at napatingin sa kanya. Bahagyang kumunot ang noo nito, tila naiinis na natanong pa siya.
"No, babe. Wala akong problema. Pagod lang ako," mariin niyang sagot.
Hindi kumbinsido si Yell. Habang pinagmamasdan niya ang asawa, halatang may malalim itong iniisip, isang bagay na pilit nitong itinatago.
Kinabukasan…
Maaga pa lang ay nakahanda na si Kany. Isusuot na sana niya ang tsinelas nang pigilan siya ng pinsan niyang si Aljun.
"Pahinga ka muna, ’insan. Araw-araw ka nang naghahanap ng trabaho," sabi nito.
"Tulungan mo muna si Inay ngayon. Samahan mo siyang mamalengke, magluluto siya ng babaunin natin bukas sa beach."
Napahinto si Kany habang nagsusuklay. Lumingon siya.
"Bakit? Anong mero
