Magdamag na paikot-ikot si Thea sa kaniyang kama, tila nakikipagbuno sa sariling mga kumot.
Sinubukan niyang isipin si Lucas—ang rooftop, ang mga taon na hinangaan niya ito, ang sakit ng realisasyon na hindi pala siya nito nakikita nang buo. Pero kahit anong pilit niya, laging sumisingit ang imahe ni Liam.
Ang boses ni Liam sa audio file, ang paraan ng paghawak nito sa kamay niya sa classroom, at ang huling tingin nito sa parking lot bago ito umalis... iyon ang ayaw siyang tantanan.
"Bakit ba ikaw ang iniisip ko?" bulong ni Thea sa dilim, inis na isinubsob ang mukha sa unan.
Hindi siya mapakali. Pakiramdam niya, kapag hinayaan niyang lumipas ang gabing ito nang hindi niya kinakausap ang binata, tuluyan na itong lalayo—paninindigan nito ang pag-alis sa "deal" nila dahil akala nito ay n
