Napatitig si Lucas kay Thea, at sa unang pagkakataon, nakita ng dalaga ang pagkagiba ng pader ng pagiging "perfect" nito.
Ang kaniyang mga balikat na laging diretso ay bahagyang bumagsak, at ang kaniyang mga mata ay napuno ng pagsisisi.
"So totoong kayo na talaga... na hindi trip niyo lang ni Liam 'to?" tanong ni Lucas, ang boses ay halos pabulong na lang, tila umaasa pa rin na baka biro lang ang lahat.
"Diba sinabi ko naman sa'yo nung tinanong mo ako nung nakaraan? Sinabi ko na oo, kami na ni Liam," diretsong sagot ni Thea, walang pag-aalinlangan.
"Alin ba ang hindi maliwanag doon? Palagi kaming magkasama ni Liam, nakikita mo naman diba?"
Napayuko si Lucas at napahawak sa kaniyang batok.
"Akala ko kasi... akala ko sinasabi mo lang 'yun para pagselosin ako.
O para layuan kita da
