Pagdating na pagdating ni Liam sa bahay, hindi na siya nag-aksaya ng panahon. Bagama't ramdam pa ang pagod mula sa matinding laro sa court, mabilis siyang kumain ng hapunan at nag-shower upang mahimasmasan. Sa bawat patak ng tubig, tila mas lalong nagiging malinaw sa kaniya ang kaniyang layunin.
Agad niyang binuksan ang kaniyang laptop at inilatag ang mga notes sa kaniyang desk. Wala na ang malokong Liam na laging naghahanap ng dahilan para tumakas sa pagbabasa; ang nakaupo ngayon ay isang seryosong estudyante na handang magpuyat.
Sinimulan niyang gawin ang kaniyang mga slides para sa reporting bukas. Sa bawat pindot niya sa keyboard, si Thea ang nasa isip niya. Si Thea na naging inspirasyon niya para ayusin ang kaniyang buhay-akademiko. Gusto niyang maging proud sa kaniya ang dalaga. Hi
