Habang naglalakad si Thea patungo sa Engineering Theater, dahan-dahang napalitan ng kaunting kaba ang matamis na ngiti sa kanyang mga labi. Pagkabukas pa lang niya ng pinto ng theater, agad niyang natanaw ang mga kapwa niya kinatawan mula sa iba't ibang taon at departamento ng Engineering.
"Hala... ang tatangkad naman nila," bulong ni Thea sa kanyang sarili.
Ang mga nakatayo sa unahan ay ang mga representative para sa basketball league muse. Dahil mga varsity players din ang karamihan sa mga magiging partner ng mga ito, tila pinili talaga ang mga kababaihan—matatangkad, may mga modelong tindig, at talagang agaw-pansin ang kagandahan. Kumpara sa kanila, naramdaman ni Thea ang kanyang pagiging petite, lalo na't nakasuot lang siya ng simpleng white sneakers at hawak ang kanyang makapal na M
