Lumapat sa aking balat ang sikat ng araw ngayon at napapakinggan ko ang tugtog ng musika ng bawat sasakyang ngayon ay abala sa pakikipagsapalaran sa kalsada. Naramdaman ko ang labis na p*******t ng aking likuran. Muli kong natagpuan ang aking sariling nagising sa skywalk – ang aking bagong tahanan.
Naaalintana ko rin ang pagsakit ng aking ulo at ang pagrereklamo ng aking tiyan. Unti-unti akong tumayo sa abot ng aking makakaya. Kailangan kong kumilos upang makahanap ako ng pagkain para magkalakas.
Iniligoy ko ang aking mga mata sa paligid. Sana naman may matagpuan ning aking mga mata. Nasakop kaagad ng aking paningin ang basurahang nasa unahan. Napangisi akong napatingin doon.
Walang pag-alinlangan akong tumungo sa basurahang medyo nasa malapitan lang sa kaninang pinagtutulugan ko. Hi
