Ang kadiliman ng gabi ang siyang matutunghayan. Tuluyan nang lumubog ang araw at napalitan na ito ng buwang siyang ngayo'y naging tanging ilaw sa madilim na tahanan – ang skywalk na aking tinuring ngayong bagong bahay.
Pilit kong inaninag ang mga baryang aking naging kita kanina sa pamamasura at binilang ang mga 'yon. Pagkatapos ng mga pagtitiis na aking inilaan para magkalaman lamang ang tiyan at mabuhay sa pang-araw-araw ay nagbunga rin ang aking pagsisikap sa pamamasura. Nahinuha ko sa aking sariling may pera pala talaga sa basura ngunit maliban lamang sa akin.
Ang mga boteng plastik ng inumin at mga dagdag na latang siyang aking napupulot ay hindi maitatangging may halaga pa. Ako lamang ata ang katangi-tanging basura na wala na atang pakinabang pa sa mundo. Napatawa na lamang ako s
