Naninibago ako sa aking mga nakikita. Nasakop ng aking mga mata ang kabuuan ng bagong pook na ngayo'y magiging bahagi na ng aking buhay.
Kahit mabigat man ang aking bitbit na mga sariling gamit ay hindi ko iniinda iyon. Sa kabila man ng masalimuot na aking naranasan sa mag-asawang 'yon ay hindi ko akalaing makakalaya na ako sa impyernong pamamahay na 'yon. Akala ko wala na talaga silang balak na pakawalan ako. Mabuti na lamang ay napagtanto nilang itapon na talaga ang isang basurang kagaya ko sapagkat tira na lamang ako at hindi na ako ang Euri na noo'y buo.
Para akong ibon na nakakulong sa rehas na ngayon lang nakalabas at nakalipad. Sa wakas, malaya na rin ako. Ngunit, napakalaking sampal pa rin sa akin na nakalaya nga ako ngunit nawalan ako ng isang pakpak. Hindi na ako marunong na l
