Labis akong nanlumo at nawalan ng gana nang hindi ko man lamang mahanap si Yamyam. Ang layo na ng nilakbay ko ngunit hanggang ngayon ay hindi ko pa rin siya matagpuan ning aking mga mata.
"Nasaan na ba ang batang 'yon?" Patuloy lang ako sa paghahanap sa kanya hanggang sa makaabot na lamang ako sa isang masikip na eskinita. Huminga ako nang malalim upang maibsan man lamang ang kaba at pagod na aking nararamdaman. Kailangan ko siyang mahanap dahil alam kong may kinalaman siya sa pagkawala ng ipon namin. Sana nagkakamali lang ako sa kasalukuyan kong iniisip.
Patuloy lang ang aking mga mata sa pagligoy ngunit wala ni isang bakas ng ingay ang aking nakalap kaya walang pag-alinlangan akong babalik na sana sa aking kaninang daanan nang biglaan kong mapakinggan ang halakhakan na hindi lamang k
