“Anong gusto ninyong snacks, mga anak?” tanong ni Mommy Natascia sa amin ni Brentford habang nasa loob pa rin kami ng sasakyan. Katatapos lang naming magsimba at napagdesisyunan naman ni Mommy Natascia na mamasyal muna kami bago umuwi sa tahanan. “Gusto niyo ba ng milktea, burger, fries, o ano?” dagdag niyang tanong.
Napasulyap naman ako ngayon kay Brentford na seryoso lang na nakatingin sa labas ng bintana ng sasakyan. Wala talaga siya sa mundo.
“Brentford, Euri, tinatanong kayo ng Mommy ninyo, oh!” mahinahong pagkakasabi naman ni Ate Martha. Nabaling muli ang atensyon ko kay Mommy na ngayo’y naghihintay na ng sagot mula sa akin.
“Mommy, puwede bang mag-snacks tayo ng kwek-kwek, isaw, taho, sorbetes, fish ball o hindi kaya’y tempura?” nakangisi kong sagot.
“Sure, ’Nak. Na-miss ko
