Amory's point of view
Napagkasunduan namin ni Vesta na pumunta nalang sa mall dahil nakakabagot nga naman talagang manatili sa bahay. Hindi rin naman siguro masama diba kung gagastos din ako paminsan minsan?
Pagkatapos namin kumain ay sabay na kaming umakyat at dumeretso sa mga kwarto namin. Binuksan ko na agad ang closet ko at naghanap ng pwedeng susuotin.
Hindi naman ako maporma sa damit dahil sabi ko nga hindi ako gala. Kinuha na nalang yung maong shorts ko at kumuha ng kulay purple na over size shirt. Nagpulbo lang ako ng konti at naglagay ng konting lip tint. Gumagaya na ata ako kay Vesta eh, malamang siya din naman nagturo sa akin nito.
Nang makita ko ang sarili ko sa salamin ay napansin kong mahaba na pala ang buhok ko, umabot na hanggang sa bewang. Pinag iisipan ko pa kung ma
