“TUMABI kayo! Tabi!”
Buong lakas ko'ng hinawi ang mga babaeng nakaharang sa dadaanan ko kahit pa hirap na hirap ako ay nagawa ko'ng marating ang gitna kung saan nakatayo si Reed.
At dahil mahirap pa ring makagalaw gawa nga ng mga nakapalibot ay nag-isip ako ng paraan para lumuwag kahit paano ang distansya ng mga ito sa amin. Mag-isa lang ako pero gayunman, determinado pa rin akong mailayo ang binata sa mga fans nito.
Ang ginawa ko, hinubad ko ang sling bag ko na nakasabit sa balikat at marahas na iwinasiwas sa mga nakapalibot. Unti-unting naglayuan ang mga ito pero hindi pa rin tuluyang nagsialisan. Parang mga lintang mahirap sugpuin.
“Huwag kayong, lalapit! Sasampahan namin ng kaso ang sino mang hahawak sa artistang si Reed Hoftsman! Mamili kayo, kulungan o autograph?" matapang ko
