Remmy's POV
Habang nasa kalagitnaan ng class discussion ay nasa ibang lupalop naman ang isip ko. Hindi ako makapag-concentrate sa aming aralin dahil sa mga bagay na pilit pa ring nagsusumiksik sa aking isip.
Humigpit ang pagkakahawak ko sa ballpen nang bigla kong maalala ang nangyari sa amin ni Yuri kanina. Pakiramdam ko'y nakayakap pa rin siya sa akin habang paulit-ulit na sinasambit ang aking pangalan.
Ano nga ba talaga ang tawag sa damdamin na nararamdaman ko para kay Yuri?
Pilit ko pa ring hinahanap sa sarili ko ang sagot sa tanong na ito ngunit hanggang ngayon ay bigo pa rin ako na matagpuan ito.
Isang malalim na hininga ang pinakawalan ko nang matapos na ang last subject namin sa araw na ito. Bukas na lamang ako pupunta sa library dahil nais ko munang ipagpahinga ang aking utak
