Remmy's POV
Biglang tumigil ang pag-ikot ng mundo nang sandaling ikulong ako ni Yuri sa kaniyang mga bisig. Nagmistulang isang magandang awitin sa aking pandinig ang paraan kung paano niya sambitin ang aking pangalan habang nananatiling nakayakap ang kaniyang mga bisig sa aking katawan.
Sa ikalawang pagkakataon ay muli akong napasailalim sa malakas na hipnotismo. Wala akong ibang naririnig sa buong paligid kundi ang malakas na pagtibok ng aking puso. Mas lalo pa itong lumalakas habang nananatili siyang nakayakap sa akin.
Damang-dama ko ang init na dumadaloy sa kanyang mga bisig na dahan-dahang humahaplos at nagbibigay ng kakaibang init sa aking dibdib. Gusto kong kumawala mula sa mahigpit niyang pagkakayakap ngunit ayaw sumunod ng misteryosong damdamin na sa paglipas ng mga araw ay mas
