Remmy's POV
Bago ako lumabas ng bahay ay siniguro ko muna na nakasara na ang lahat ng pinto at bintana. Mahirap na dahil sa panahon ngayon ay marami nang nagsilipinang mga tao na may masasamang loob na nakahandang umatake sa anumang oras kaya kinakailangan nang ibayong pag-iingat.
Pagkatapos kung i-double check ang buong bahay ay naglakad na ako patungo sa labasan para mag-abang ng masasakyang bus patungo sa eskwelahan. Balik uli ako sa dating gawi. Araw-araw na naman akong mag-aabang sa labasan dahil napagdesisyunan nina mama at papa na mas makabubuti raw kung uuwi na lamang ako galing eskwela kesa mangupahan. Mas magiging ligtas daw ako kung uuwi ako kasama nila.
Binagalan ko ang bawat hakbang ng aking mga paa. Alas nueve pa naman ang unang asignatura namin sa umagang ito kaya mayroon
