Mabilis na lumipas ang ilang buwan, naghahanda na ang mga estudyante para sa kanilang graduation. Practice na ng pag-akyat ng stage at pagkompleto ng kanilang mga requirements at kung anu-ano pa. Habang ang pamilya ni Samira ay naghahanda na rin sa kanilang pag-alis sa kanilang tinitirahan. Lilipat na sila bahay ni Auria.
"Samira, ayos ka lang ba? Pansin ko parang hindi ka masaya nitong mga nakaraang araw. Nalalapit na ang graduation natin. Sunod, senior high na tayo. Dapat masaya ka na kasi naka-survive tayo ngayong high school," sambit ni Everson nang lapitan siya nito.
Alanganing ngumiti si Samira. Paano niya ba sasabihin na ang binatang si Everson ang dahilan kung bakit siya nalulungkot? Hindi niya kasi sasabihin sa binata na aalis na siya. Dahil baka lalo lang siyang malungkot kapag
