"Nakakapagod din pala minsan alagaan este bantayan ang isip batang iyon 'no?" ani Clifford sabay tawa.
Kumunot ang noo ni Cara. "Bakit? Makikipagbalikan na naman ba sa ex niya?"
"Hindi naman. Binabantayan ko naman po siya. Minsan kapag hindi ako busy, niyaya kong kumain sa labas. Medyo may topak nga lang. May pagkamasungit at mataray tapos kung anu- ano pa sinasabi. Hinahayaan ko na nga lang. Baka dala ng pagiging brokenhearted niya kaya siya ganoon," pagsusumbong ni Clifford.
Tumawa si Cara sabay iling. "Oo tama iyan ilabas - labas mo siya minsan. Pasensya ka na sa iyo ko pa naiasa ang kapatid ko. Pero kung gusto mo, hayaan mo na lang din siya. Kahit huwag mo ng bantayan talaga. Busy lang talaga kami ng kuya mo sa mga negosyo namin at sa iba pang bagay."
"Ayos lang naman po, ate. Wala
