"Mag... magkakilala kayo?" takang tanong ni Samuel habang nagpapalipat-lipat ng tingin kina Samira at Everson.
Makailang ulit lumunok ng kaniyang laway si Samira bago ngumiti ng pilit. "Ahm... y-yes kasi kaklase ko siya no'ng high school. 'Di ba nabanggit ko sa iyo na dito kami nakatira dati? Dito nag-aral hanggang high school bago kami lumipat."
Bakas sa tinig ni Samira ang pagiging kabado at hindi mapakali. Hindi niya inaasahang doon pa niya makikita si Everson. Ilang taon na rin ang lumipas at matagal na niyang nilimot ang ang nararamdaman niya noon para sa binata.
At hindi na rin siya umasa pang magkikita silang muli.
"Ah okay. Naalala ko na iyong sinabi mo. Halika, kumain ka na muna. Kumusta ang lakad mo kanina?" malambing ang tinig ni Samuel.
"Ayos lang. Medyo marami lang talag
