Mabilis na lumipas ang mga buwan, naging busy na sa kanilang pag-aaral sina Samira at Everson dahil malapit na ang fourth quarter. Puro group activities, exams at kung anu-ano pa. Kaya si Samira, wala na halos tulog ng maayos. Gusto niyang makapasa. Gusto niyang makapagtapos ng high school.
"Ayos ka lang?" tanong ni Everson nang makitang mabilis na nagsusulat si Samira.
"Oo ayos lang ako. Huwag mo akong intindihin," mabilis na sagot ni Samira.
"I'm sorry ... mukhang naiistorbo yata kita."
"Hindi naman. Sige lang, magsalita ka lang. Makikinig ako habang nagsasalita ka. Tinatapos ko lang itong assignment ko sa next subject. Hindi ko pala nagawa kagabi. Kaunti na lang matatapos ko na ito," mabilis na sambit ni Samira.
Nakangiting pinagmamasdan ni Everson ang dalaga. At sa isip niya, wal
