"Pagmasdan mo siya..."
Marahang naglakad si Clifford patungo sa kuwarto ng mag-ina kung saan mahimbing na natutulog ang batang si Louie. Nanlaki ang mga mata ni Clifford nang makita sa unang pagkakataon ang kaniyang anak. Hindi niya maiwasang maawa sa kapayatan nito. Halatang may sakit. Iba na rin ang kulay ng balat.
Naglakad pa ng kaunti si Clifford hanggang sa makalapit siya sa kama. Napansin niya ang pagiging magkamukha nilang dalawa ni Louie kahit na ang payat nito. Kinuyom niya ang kaniyang kamao bago tumingin kay Janica.
"Ipagagamot natin siya. Ako na ang bahala sa gastos."
"Ayoko. Tanggap ko ng mawawala siya sa akin. Hindi mo alam kung ano ang itsura niya sa tuwing ginagamot siya. Iyon bang parang gusto na niyang magpahinga pero hindi niya lang magawang sabihin. Kaya nga ang hi
