رواية : أسيرة قاتل

الفصل الثالث

مرءت الأيام سريعا وقد عادت دنيا إلى العمل ولاكن دينا لم تخرج من المنزل...

...

شركة الباشا...

تطرق دنيا على باب غرفة مكتب عمار ودلفت بعد أن سمعت صوتة يأذن لها بالدخول فدلفت وهى تقول. ..

دنيا...نعم يا فندم..حضرتك طلبتنى

عمار..اة يا بشمهندسة اتفضلى اقعدى

دنيا..حاضر خير يا فندم

عمار..عاملة اية دلوقت

دنيا بتنهيدة ...الحمد لله

عمار..والانسة دينا

دنيا...كويسة

عمار..هى مش بتروح الشغل لية

دنيا..رافضة تنزل من البيت خالص

عمار..مش هينفع كدة..فات شهر على موت عم إبراهيم ..ولازم ترجع الشركة...هى نسيت انها مضيا عقد مع الشركة

دنيا..لية هو سليم بية ممكن يرفع عليها قضية

عمار بتنهيدة..سليم غامض ..مستحيل تفهمى هو بيفكر فى اية..وأنا خايف عليها

دنيا..هو حضرتك مصاحبة أزاى

عمار..سليم صاحب عمرى..واتعودت علية

دنيا..ربنا يخليكم لبعض

عمار..شكرا

دنيا..طب انا هروح أخلص شغلى وهكلم دينا وهحاول اقنعها

عمار..تمام..اتفضلى..ومعاكى رقمى لو فى حاجة كلمينى

دنيا..حاضر ..بعد إذنك

............

...............

.......اكثرو من الصلاة على الحبيب.......منى الاسيوطى

..

..

..شركة البغدادي...

يجلس سليم فى غرفة مكتبة شارد الذهن يفكر فى كيفية إرجاع دينا للعمل مرة اخرى..ويمسك بهاتفة الشخصى محدث عمار وما هى إلا ثوانى معدودة وأجاب عمار على الهاتف..

سليم..أنت فين

عمار..فى الشركة

سليم..عاوز اتكلم معاك

عمار..نص ساعة واكون عندك

سليم..تعالى على الفيلا

عمار بقلق..أنت كويس

سليم ..اة

عمار..ماشى.. سلام

سليم..سلام

ويغلق سليم الهاتف وينهض متجة للفيلا

.....

......

...... استغفروا لعلها ساعة استجابة. .............

..

..

..منزل إبراهيم...

..

تعود دنيا من العمل وتدلف إلى شقة إبراهيم قائلة...

دنيا...دينا ..ديناااا انا جيت

دينا..وطى صوتك دا

دنيا...ههههه طب ماتردى من أول مرة

دينا.بيقولك اية مش فايقالك..اطلعى غيرى هدومك وانزلى عشان نتغدى

دنيا..ماشى يا عسل

دينا. .استنى هنا صح ..اية اللى اخرك كدة

دينا...بسبب مشروع الشريف..كل شوية نغير حاجة فى التصاميم

دينا..وأية آخر الت**يمات

دنيا..ارجعى الشغل وانتى تعرفى

دينا بغضب..مستحيل اشتغل عند الكائن دا تانى

دنيا..بس انتى لازم ترجعى

دينا. .ولازم لية إنشاء الله

دنيا..عشان العقد اللى انتى مضياة مع الشركة

دينا..انا ازاى نسيت..دا فاضل سبع شهور والعقد ينتهى

دنيا..يبقى تتلمى وترجعى الشغل

دينا..انا مش قادرة انسى أن بابا مات بسببه..دامريض نفسى

دنيا..خلاص بقى..دامجنون ومش مضمون ممكن يتصرف معاكى ازاى

دينا ..هفكر

دنيا..ربنا يهد*كى ..هيطلع اغير ونازلة

دينا.. ماشى وأنا هحضر الغداء

.....

........

..........شفيعى يا محمد........مجنونة قلم....

...

....

فيلا الشريف...

...

يجلس حازم بغرفة المكتب وتجلس امامة هالة (الله يحرقها?)يشاهدون مجموعة من الصور تجمع بين سليم وفتاة أخرى..

هالة....هى مين البنت دى يا حازم

حازم..دى بنت السكرتير اللى ماات

هالة..هو بيحبها

حازم بسخرية..ههههه يحب مين ...انتى نسيتى العقدة اللى عندة بسببك..وبعدين هما كانو بيتخانقو فى الصور دى ..والبت اللى انا مظبتها فى مكتب سليم..قالتلى أنهم اتخانقو يوم العزاء والبت دى مسحت بكرامتة الأرض

هالة بحقد..مش مشكلة. .آية رأيك نوجعة بيها

حازم..نوجعة ازاى..وهو مش طايقها

هالة..بس بيحب أبوها

حازم ...تصدقي صح..بس هنعمل معاها ايه

هالة بخبث..هقولك

..........

.............

.........الحمد لله...........منى الاسيوطى. ...

...

منزل إبراهيم...

...

تجلس دينا ودنيا يتناولون الطعام....

...

دينا...لقيتى حد يأجر شقتك

دنيا..اة عم عبدة البواب قالى أن فى ناس هتيجى بكرة تشوف الشقة

دينا..طب نزلى حاجتك هنا عشان تكون الشقة جاهزة للسكن

دنيا بمزاح. ..طب وهتاخدى منى ايجار كام

دينا ببغضب..هاخد عمرك..انتى هتفضلى غ*ية كدة على طول

دنيا....بهزر يا ساتر عليكى

دينا..لا ومالة هزرى يا ختى

دنيا..قلبى يانااس

دينا ...أتلقى يا بت مالك

دنيا....ههههههههههه هتقل حاضر

دينا..طب كلى وانتى ساكتة

دنيا..من عيونى

......

.......

......لا إله إلا الله .....منى الاسيوطى

....

فيلا البغدادي. ...

...

يجلس سليم برفقة عمار يتحدثون

...

عمار..اية الجنان دا

سليم..جنان اية انا عاوزها بس تساعدنى أخلص منة

عمار..يعنى اية

سليم..زى ما سمعت

عمار بغضب...لا كدة كتير..اأنا ساكت وأقول بكرة تعقل لاكن لاء كل يوم أسوء من اللى قبلة..فوق بقى يا صاحب عمرى...دينا تبقى بنت عم إبراهيم وأنت كدة هتاذيها وانا مش هسمح بكدة..

سليم بتحدى ... وهتعمل اية بقى

عمار..هتجوزدنيا وهاخدهم عندى وورينى بقى ياسليم ..هتأذى مرات صاحبك وأختها ازاى

سليم...أنت عارف انها مش اختها..وهعمل اللى فى دماغى

ينهض عمار وهو غاضب قائلا..

عمار...ورينى هتعمل اية..انا ماشى

سليم. ..خد يا عم أنت

عمار..لاء ..وسيبنى دلوقتى

وترك عمار سليم وغادر وهو غاضب..

.............

.......

فيلا الشريف. ...

...

يجلس حازم بشرفة غرفتة يتحدث عبر الهاتف مع شخص ما..

حازم...نفذ النهاردة ...فاهم

الشخص..تحت امرك

حازم..عارف لو غلطت المرة دى هيبقى الثمن رقبتك

الشخص بخوف..متقلقش يا باشا

حازم..بعد ما تنفذ كلمنى

الشخص. ..حاضر يا باشا

ويغلق حازم الهاتف ويلتفت للدخول ووجد هالة تنتظرة فقال..

حازم..مالك يا روحي

هالة..بتكلم مين

حازم..ههههههه بتغيرى عليا

هالة..حااااازم

حازم..ههههههههه خلاص أهدى كنت بنفذ اللى اتفقنا علية

هالة..عايزاها فضيحة يا حازم

حازم..من عيونى

.......

...........

..........الحمد لله.......منى الاسيوطى. ..........

...

منزل إبراهيم.......

...

قد أصبحت الساعة الواحدة بعد منتصف الليل وقد استمعت دنيا لأصوات غريبة بالأسفل ففتحت باب شقتها ببطء ونظرت من الأعلى فوجدت مجموعة من الرجال الملثمين وهم يحاولون **ر باب شقة إبراهيم وصديقتها بالداخل بمفردها...

فدلفت إلى شقتها مرة أخرى وهرولت إلى غرفتها و أمسكت بهاتفها من أعلى الكمود بجوار فراشها وأجرت مكالمة بعمار وهى تبكى وترتجف من الخوف...

........

...........

............صلو على الحبيب.......مجنونة قلم......

.....

فيلا الباشا....

يصدع هاتف عمار عدة مرات ولكنة لم يجيب

فتدلف صباح إلى الغرفة لكى تيقظة قائلة...

صباح...عمار...عمار...قوم يا ابنى

عمار بنعاس. ..اممممم فى اية يا أمى

صباح...يا ابنى تليفونك عمال يرن

عمار..هى الساعة كام

صباح..باين واحدة

عمار..سيبك منة يا ماما وروحي نامى ..اية اللى مصحيكى لحد دلوقتي

صباح..كنت بصلى القيام. .وقوم يا ابنى ليكون فى حاجة

عمار ..يوووة حاضر...

وينهض عمار ويجلس على الفراش ويمسك بهاتفة ويتفاجأ عندما وجد دنيا من تتصل به فأجاب مسرعا..

عمار..ألو

دنيا ببكاء. .عمار

ينتفض عمار ويجثو على ركبتيه عندما أستمع لنبرتها الباكية قائلا..

عمار...دنيا ..مالك فى اية

دنيا..عمار الحقنى. .فى ناس كتير تحت عند دينا وبيحاولو ي**رو الباب

عمار..وانتى فين

دنيا..انا فى شقتى..بس انا خايفة اووى

عمار ..أهدى عشر دقائق وأكون عندك

دنيا..والنبى ما تتأخرش

عمار..حاضر ..سلام

ويغلق عمار الهاتف ويقوم بإجراء اتصال ل سليم. .

عمار..أنت اية اللى هببتة دا

سليم بنعاس...هببت اية..انا مش فاهم حاجة

عمار..أنت بعت حد عند دينا

سليم..بعت مين...انا معملتش حاجة

عمار.ينهاراسود أمال مين دول

سليم..هو فى اية..انا مش فاهم حاجة

عمار .قوم بسرعة فى ناس بت**ر باب شقة عم إبراهيم ودينا جوة لوحدها انا رايح على هناك

سليم..أنت بتقول اية..انا هسبقك على هناك

عمار..ماشى...سلام..

ويغلق عمار الهاتف وينظر لوالدتة و يقول وهو يتجة لغرفة تبديل الملابس..

عمار..ماما ما تناميش وحضرى أوضتين لبنات عم إبراهيم انا هجبهم معايا

صباح..حاضر يا ابنى..أن شاء الله خير

........

..........

............استغفروا لعلها ساعة استجابة. ........

...

منزل إبراهيم...

ظلت دنيا تراقب شقة صديقتها من أعلى الدرج وقد استمعت لصراخها فدلفت مسرعة إلى الداخل وهى تبكى وقامت بالاتصال بـ عمار مرة أخرى..

دنيا ببكاء..عمار دينا بتصرخ

عمار ..انا على أول الشارع وسليم سبقنى دقيقة وأكون عندك

دنيا ..ماشى..

وقامت بإغلاق الهاتف وخرجت مرة أخرى وبالفعل وجدت الحرس الخاص بسليم يقفون أمام شقة إبراهيم فهرولت إلى الأسفل وما أن دلفت إلى الداخل حتى وجدت دينا تحتضن سليم ملابسها ممزقة و تبكى بشدة ووجدت الرجال الملثمون وهم مقيدون من قبل رجال سليم وعدنان بداخل غرفتها يبحث لها عن شئ ما ترتديه وخرج وهو بيدة مأزر منزلى وقام بإعطائه لسليم قائلا..

عدنان..اتفضل يا باشا

وبالفعل قام سليم بتغطية جسد دينا التى فقدت الوعى..

فى هذة الأثناء صعد عمار إلى الأعلى ليتفاجأ بذلك المشهد ولا كنة غضب عندما وجد دنيا تقف وسط حراسة سليم وهى ترتدى منامة قصيرة جدا تبرز جمال ساقيها وشعرها منسدل على ظهرها وتقف كالاصنام لا تتحدث فيذهب إليها قائلا..

عمار..دنيا..دنيااااا

و لكنها لم تجيبة كأنها بعالم آخر والتفتت بعيونها فقط وحين رأته سقطت مغشى عليها فهرول عمار و احتضنها قبل أن تصتدم رأسها بالارضية..ونظر لسليم قائلا..

عمار..سليم...دينا كويسة

سليم بغضب..ايوا ..دنيا مالها

عمار ..عادى هتفوء دلوقتى سرور هاتلى مية

سرور ..حاضر

وما هى إلا دقائق وأحضر سرور كوبا من الماء واخذة عمار ونثر بضع قطرات على وجهة دنيا وبدأت فى استعادة وعيها وما ان فتحت عيونها فرسمت ابتسامه على شفتيها ظنا منها انها تحلم فاقترب عمار من اذنها قائلا بهمس ..

عمار..هو انا حضنى حلو كدة..قومى بقى لأن هدومك قصيرة قوى والكل واقف يتفرج

شهقت دنيا بذعر وابتعدت عن عمار وهى تقول..

دنيا....ينهار اسود ..أنت بتعمل اية هنا ...

و ت**ت عندما ترى دينا فاقدة الوعى وقد تذكرت ما حدث فهرولت إليها وهى تبكى وتقول..

دنيا...دينا..دينا حبيبتى قومى ..عملو فيكى اية قومى

سليم..أهدى مفيش حاجة هى كويسة محدش يقدر يأذيها

عمار..هو اية اللى حصل

سليم..انا دخلت لقيت الكلاب دول بيقلعوها هدومها وبيصوروها..

شهقت دنيا ووضعت كفها على فمها و قالت...

دنيا..يالهوووى

عمار..و الصور فين

سليم ..الكاميرا معايا..و يلا مينفعش تقعدو لوحدكو تانى

دنيا..هنروح فين

سليم..عندى البيت

عمار..لاء هيجو عندى وماما مستنياهم

سليم..عمااار

عمار..احنا اتكلمنا قبل كدة و مش هينفع يقعدو عندك لأنك عايش لوحدك..لاكن انا امى مستنياهم

دنيا..بس

عمار..من غير بس يلا..البسى اى حاجة و يلا بينا

دنيا ..حاضر

وما هى إلا عدة دقائق و قد ابدلت دنيا ملابسها و أخذت أيضا ملابس لصديقتها و حمل سليم دينا و هبطو متجهين إلى فيلا الباشا.....

.....

.......

...........كل عام وانتم بخير..............

..

فيلا الشريف..

..

يطرق حازم أرضية الغرفة بغضب و هو يحدث هالة قائلا...

حازم..برضو عرف يلحقها ..اعمل اية تانى عشان أخلص منة ..

هالة..أهدى يا حبيبى

حازم..أهدى ازاى وهو عامل زى الشوكة فى الزور..أكيد عرف أن انا ورا اللى حصل

هالة..طب هنعمل اية

حازم...سيبى لوحدى يا هالة انا على أخرى

هالة..حاضر

.............

فيلا الباشا....

يصل عمار وسليم ودينا تستند على ذراع دنيا بعد أن استعادت وعيها وهى بسيارة سليم إلى فيلا الباشا وبالفعل و جدو صباح تنتظرهم وما ان رأتهم هرولت إليهم وقالت..

صباح..حمدلله على سلامتك يا بنتى

دنيا..الله يسلمك يا طنط

عمار..ماما معلش ودى دينا لاوضتها ترتاح

صباح..حاضر يا بنى

وبالفعل صعدت دينا برفقة صباح وتبقى بالأسفل عمار وسليم ودينا

سليم..انا ماشى..ولو فى حاجة كل منى

عمار ..ماشى

وخرج سليم وتبقى عمار ودنيا..

دنيا..انا مش عارفة أشكر حضرتك ازاى

عمار بمزاح..عاوزة تشكرينى بجد

دنيا..أكيد

عمار ..تعمليلى عشا و تقعدى تاكلى معايا

خليكى يا بنتى انا هعملكو العشا...قالت صباح تلك العبارة وهى تهبط من أعلى الدرج وقد استمعت لحديث عمار مع دنيا

عمار ..افتكرتك نمتى يا ماما

صباح..لا يا حبيبى روحو اقعدو على السفرة وانا هجبلكم شوية جبن و اعملكو عشاء خفيف

عمار...تسلم إيدك يا ست الكل

دنيا..ممكن اساعدك ياطنط

صباح بابتسامة..لا يا حبيبتى روحى ارتاحى وانا هجيب الأكل كفاية الأكشن اللى شوفتيه النهاردة

دنيا بضحكة أبرزت غمازتها قائلة...ههههههههههه والله كنت هموت من الخوف بس البركة فى عمار بية

صباح..طب خلاص يلا روحى ارتاحى ..خدها يا عمار

عمار....حاضر..اتفضلى يا آنسة

و بالفعل ذهبت صباح لإعداد الطعام ..و ذهب عمار و دنيا إلى غرفة الطعام...

.......

بعد مرور بعض الوقت يجلس عمار برفقة دنيا لتناول العشاء..

عمار..مبتكليش لية

دنيا بخجل..بأكل اهو يا فندم

عمار..اية يا فندم دى ...هو احنا فى الشركة هنا ..اة صحيح انتى و دينا إجازة لحد ما نعرف مين وراء اللى حصل

دنيا..حاضر..بس احنا مش هينفع نقعد هنا

عمار...لية

دنيا..عشان ميصحش

عمار ..لاء يصح ومش....

و ي**ت عمار عندما يصدع هاتفة برقم سليم فيجيب قائلا ..

عمار..أنت لسة صاحى

سليم..اة أنت بتعمل اية

عمار..بتعشى

سليم..ودا من أمتى

عمار..عاوز اية أخلص

سليم..ماشى يا حنين..حازم هو وراء اللى حصل ..كان فاكر انه هي**رنى بيها

عمار بغضب..ابن ال***دا لازم يطلع****هو فاكر نفسة مين ال*****

سليم..من غير ما تقول انا سايبة يغلط بـ مزاجى

عمار..ماشى أشوفك بكرة

سليم. .خلاص..سلام

عمار...سلام

ويغلق عمار الهاتف وهو ينظر لدنيا ويقول

عمار..بطلتى أكل لية

دنيا..لا رد وتنظر له بصدمة

عمار..مالك ..انتى كويسة..ب.....و ي**ت عندما تذكر انة قال ألفاظ خارجة عندما كان يتحدث مع سليم فقال

عمار..احم..اسف بس سليم قالى حاجة عصبتنى

دنيا بذهول ..أنت بتقول الألفاظ دى

عمار...هههههههه اة بس لما بتعصب بس

دنيا ..انا مش مصدقة و دانى

عمار..هههههههه اسف خلاص كلى بقى

دنيا..حاضر

........

..........

نهاية الفصل السادس

..يتبع....

مجنونة قلم

منى مصطفي الاسيوطى

................