لعنة كانسنو.... ا****ة الثالثة

3816 Words

لعنة كانسنو ……. ا****ة الثالثة ……. في حديقة فيلا دكتورة نور حبيبة مقاطعة نسيم وهى تضحك حبيبة ضاحكة:مافيش في بيتكم إلا أنت و مامتك ينظر نسيم إلى حبيبة ويفكر نسيم : صح حبيبة ضاحكة:اوعى ….. نسيم ينظر إلى حبيبة غاضبا نسيم بغضب: تقصدي أيه حبيبة ضاحكة: اللي فهمته ينظر نسيم إلى حبيبة بعصبية نسيم بعصبية: يعني فكراني كذاب ومجنون زي ماما حبيبة بهدوء: أنا مش عايزه أقول كده يا نسيم نسيم بضيق: أمال عايزه تقولي أيه؟، عايزة تقولي حاجة زيادة عن كده كمان ؟ حبيبة: لا يا نسيم أنا أقصد ، أنك يمكن تكون بتحلم نسيم غاضب : بحلم نسيم ينظر إلى حبيبة بغضب نسيم بغضب: أنا أصلا غلطان أني بحكي لك ، أنتي أصلا مش صاحبتي ولا هتبقى صاحبتي في يوم من الأيام حبيبة تنظر إلى نسيم بضيق حبيبة بضيق: كده يعني، طيب ، أنا كمان غلطانة أني حكيت لك موضوع العفريت اللي في بيتنا نسيم ينظر إلى حبيبة ويضحك باستهزاء نسيم ضحك: على أساس إنك مش بتحلمي ، و فيه عفريت حقيقي في بيتكم حبيبة تنظر إلى نسيم بغيظ حبيبة بغيظ: شوفت،إنك أنت كمان طلعت ،زي بابا ، مش بتصدق كلامي ، وبتتهمني أني بحلم وبتخيل أزاي تلمع في عين حبيبة دمعة حبيبة بحزن : كلكم زي بعض ،مش مصدقني حبيبة تنظر إلى نسيم بضيق حبيبة بضيق: أنت كمان مش صاحبي، ومش ممكن تكون صاحبي أبدا فاهم، أبدا يشعر نسيم بالندم من أجل حبيبة ، ويضع يده على كتفها نسيم بندم : خلاص أنا غلطان يا حبيبة، مش هقولك أنك بتحلمي تاني أبدا حبيبة بضيق: أبعد أيدك ، أنا ماليش في الدنيا حد ، إلا أولادي تجحظ عيون نسيم: أولادك؟ حبيبة تنظر إلى نسيم ويشحب وجهها ، وتتسع عيناها من القلق حبيبة بقلق: أنا نسيت أولادي في عربية بابا ؟ تشير حبيبة إلى نسيم بضيق حبيبة بضيق: لو حصل حاجة لأولادي هتبقى أنت من ضمن الأسباب ، ومش هسمحك عمري أبدا تنزل حبيبة مسرعة من على أفرع الشجرة بتوتر ينزل نسيم خلفها مسرعا حبيبة تجري بسرعة ، يجرى نسيم خلفها في قلق نسيم بقلق: فيه أيه يا حبيبة طمنيني؟ تصل حبيبة إلى سيارة الدكتور مروان ونسيم خلفها تبحث حبيبة في كل مكان عن الكرتونة التي بها العصافير حبيبة بقلق: أولادي، أولادي فين؟ لا تجد حبيبة الكرتونه فتقف باكية ينظر نسيم إلى حبيبة بحزن نسيم بحزن: فيه أيه يا حبيبة، فهميني أولادك أيه بس؟ حبيبة باكية: أولادي ضاعوا مني يا نسيم، ضاعوا مني خلاص، أكيد أكلهم كلب ولا قطة يهز نسيم كتفه وهو ينظر إلى حبيبة، وهو لا يفهم شيء حبيبة بلهفة: ممكن يكونوا طاروا، أو أمهم جت أخدتهم نسيم بهدوء: براحة بس ، ممكن أفهم موضوع أولادك ده أيه بالضبط ؟ حبيبة تنظر إلى نسيم وهى باكية حبيبة باكية: دول عصافير صغيرة كانوا على شجرة بيتنا ، مامتهم العصفورة سبتهم وهما صغيرين لسه مطلعوش ريش،وأنا كنت بطلع أجيب لهم أكل ومايه وأهتم بيهم ، عشان لما يطلع لهم ريش يقدروا يطيروا زي العصافير ويعيشوا في سلام ينظر نسيم إلى حبيبة مبتسم وهو يصفق نسيم يصفق: الله أنتي مشاعرك حلوة أوي ينظر نسيم بتعجب مرة أخرى إلى حبيبة نسيم بتعجب: بس العصافير الصغيرة دي عندكم في بيتكم على الشجرة ، بدوري عليهم هنا ليه؟ نسيم يبتسم إلى حبيبة نسيم مبتسم: أوعي تكوني……. تهز حبيبة رأسها إلى نسيم بالموافقة حبيبة : أيوه جبتهم معايا وحطتهم في كرتون ، وكانوا هنا في العربية نسيم يضع يده تحت ذقنه مفكر بصوت مرتفع نسيم مفكر: طيب ، هى فين الكرتونه اللي كانت في العربية؟ تنظر حبيبة إلى نسيم بعيون متعجبة حبيبة بتعجب: فعلا الكرتونة مش في العربية دلوقتي نسيم وهو يفكر بصوت مرتفع: يعني معني كده إن فيه حد طلع الكرتونة من العربية حبيبة تنظر إلى نسيم بحزن حبيبة بحزن: أيوه ، صح ينظر نسيم إلى حبيبة وهو يفكر بصوت مرتفع نسيم : محدش هيقدر ياخد الكرتونة من العربية ، إلا صاحب العربية نفسه حبيبة تنظر إلى نسيم وتشهق حبيبة: ااااه ، صح حبيبة ترفع حاجبها حبيبة: يعني بابا طلع الكرتونة من العربية ، بس حطها فين بقى ؟ نسيم ينظر إلى حبيبة مبتسم بتحدي نسيم بتحدي: دا اللي لازم نعرفه دلوقتي ، لازم ندور على العصافير الصغيرة نسيم ينظر إلى حبيبة متحمس، وهو يرفع يده بالسلام الجمهوري نسيم : الملازم حبيبة ، لقد وكلنا لك أول مهمة في غرفة العمليات ، وهى البحث عن العصافير الصغيرة ، وإرجاعها إلى الكرتونة مرة أخرى حبيبة وهى ترفع يدها **لام جمهوري، وتض*ب قدمها بقوة على الأرض حبيبة: حاضر يافندم نسيم يكور يده ويض*ب يد حبيبة التي كورتها حبيبة ونسيم : إلى المهمة …… داخل فيلا دكتورة نور دكتورة نور بألم : اكيد لازم ننسي، ولازم نكمل اللى بدأناه مع بعض يا دكتور مروان دكتور مروان بذعر :لا مستحيل ، مستحيل دكتورة نور تنظر إلى الدكتور مروان بتعجب الدكتورة نور وهى تصب الشاي الدكتورة نور : شاي حضرتك يا دكتور مروان معلقة سكر واحدة صح ولا غيرت؟ الدكتور مروان بسعادة: لسه فكرة يا دكتورة نور؟ دكتورة نور وهى تضع قطعة سكر في كوب وتقدمها إلى دكتور مروان مبتسمه دكتورة نو ر مبتسمة :طبعا يا دكتور مروان انت عشت سنين معانا في الفيلا ينظر دكتور مروان إلى دكتورة نور نظرة غزل والحب الدكتور مروان بغزل: كانوا أحلى سنين فى عمري كله تنظر الدكتورة نور إلى دكتور مروان وقد فهمت نظرته المغازلة، وتبادله نظرة صامتة دكتور مروان بخجل يكح، ويضبط الجاكت وهو يبتسم دكتور مروان بتفاخر :عملنا فيهم إنجازات طبية خطيرة انا وانت والدكتور كامل قبل ما يختفي من الفيلا دكتورة نور بحزن : أيوه فعلا، و أنا أتصلت بيك ، وقلت لك تيجى تقعد معانا ، عشان عشمي فيك كبير أنك تكمل معايا الأبحاث اللي بدأناها أنا وأنت والدكتور كامل دكتور مروان ينظر إلى الدكتورة نور بضيق دكتور مروان بضيق: لا مش دا اللي قلتيه في مكلمتك ليه يتذكر دكتور مروان المكالمة ……. فلاش بالك في غرفة دكتور مروان دكتور مروان يجلس على سريره وهو يقرأ في كتاب يرن رقم هاتفه ، ينظر دكتور مروان إلى هاتفه فيجد المتصل رقم غريب، دكتور مروان لا يهتم بالأتصال ، ويمسك كتابه ويقرأ به مرة أخرى، يرن هاتف دكتور مرة أخرى ينظر دكتور مروان ويجد نفس الرقم الغريب يقذف الدكتور مروان بالهاتف على السرير بعيدا عنه، يص*ر صوت رسالة من هاتف دكتور مروان دكتور مروان يمسك بالهاتف ، فيجد الرسالة من نفس الرقم الغريب، يفتح الدكتور مروان الرسالة ويبتسم وهو يقرأ الرسالة دكتور مروان وهو يقرأ الرسالة بصوت مرتفع دكتور مروان : أنا الدكتورة نور، عايزاك ، رد عليا ضروري يا دكتور مروان تتسع ابتسامة دكتور مروان، ويضغط على اتصال، ويتصل بالرقم صوت الدكتورة نور: ألو، ازيك يا دكتور مروان الدكتور مروان بشوق ولهفة وهو يتحدث إلى دكتورة نور دكتور مروان بشوق : يااااه أخيرا سمعت صوتك يا دكتورة نور صوت الدكتورة نور بخجل : معلش، أنت عارف الظروف الدكتور مروان بضيق: لا مش عارف حاجة ، كل اللي أعرف أنك بعد أختفاء دكتور كامل بفترة سبتي البيت ، وقفلتي تليفونك واختفيتي، ودورت عليك كتير أوي ، في كل مكان ممكن تكوني موجوده فيه ، وللأسف ملقتكيش صوت الدكتور نور بحزن: أنت عارف إن صدمتي كانت كبيرة لما دكتور كامل سابني وساب نسيم اختفى فجأة من غير أي سبب مقنع ، ولا أي مبرر الدكتور مروان بحزم: ما أنا قلت لك أنه بدل أختار أنه يسبيكم ويمشي ، يبقى قرر أنه مش هيرجع تاني خلاص ، بس أنتي فضلتي تدوري ، عليه بدون أي فايدة، وما مسمعتش كلامي صوت الدكتورة نور ببكاء: كنت لازم ادور عليه عشان خاطر نسيم ، وعشان أعرف عمل كده فينا ليه الدكتور مروان: وعرفتي بعد كل التدوير دا حاجة؟ صوت الدكتورة نور بحزن: للأسف لا الدكتور مروان بضيق: عشان تعرفي أني قلبي عليك ومكنتش عايزك تبهدلى نفسك من غير أي فايدة صوت الدكتور نور بحزن: كنت لازم أتاكد أنه مشي من نفسه ، مش أتخ*ف ،أو حصل له حاجة من أي حد من أعدائه الدكتور مروان بعصبيه: الدكتور كامل مكنش ليه أي أعداء ، وأنا أكدت لك أنه قراره ، ومحدش عمل فيه حاجة ، بس أنتي دماغك ناشفة ومش بتصدقي حد إلا دكتور كامل وبس صوت الدكتور نور بحزن: خلاص صدقت كلامك ومبقتش أهتم أني أدور عليه الدكتور مروان بحزن: بعد أيه؟، بعد ما ضيعتي أحلى سنين عمرك صوت الدكتورة نور بندم: وفعلا أنا غلطانة إني ما سمعتش كلامك من الأول ، بس خلاص أتعلمت الدرس تتسع ابتسامة دكتور مروان ، وينظر إلى نفسه في المرٱة باعجاب الدكتور مروان : المهم أنتي فين ، و عامله أيه دلوقتي؟ صوت الدكتورة نور بضيق: بعد أختفاء دكتور كامل بشهور، زادت المصاريف وهو مكنش سايب لي فلوس خالص ، فاضطريت أعرض الفيلا للبيع والحمد لله أني كنت كتباها باسمي، وبعد ما سددت ديوني دكتور مروان بضيق: طيب ليه ما كلمتنيش وأنا كنت عطيتك الفلوس اللي أنتي عيزاها؟ صوت الدكتورة نور بحرج: كان لازم يبقى معايا فلوس أصرف منها ، مش هفضل طول عمري أخد منك فلوس الدكتور مروان بشجن: أنتي عارفه أنت غالية عليا قد أيه صوت الدكتورة نور: طبعا عارفة الدكتور مروان : وأنتي عايشة فين دلوقتي بعد ما بعتي الفيلا ؟ صوت الدكتورة نور : روحت عشت أنا ونسيم أبني في فيلا بعيدة عن العمار، كانت ملك جدي، والحمد لله الدكتور مروان مبتسم: نسيم وحشني أوي، زمانه كبر دلوقتي، أنا ماشوفتوش من وهو صغير صوت الدكتورة نور بغيظ : أيوه كبر ومطلع عيني، المهم أنت عامل إيه؟، وأخبار حبيبة ايه؟ الدكتور مروان ضاحك:أنا الحمد لله ، بس هتجنني قريب صوت الدكتورة نور ضاحك: زي نسيم والله، ربنا يبارك لك فيها صوت الدكتورة نور: وأخبار دكتورة علا أيه ؟ الدكتور مروان يعقد حاجبيه الدكتور مروان : هو أنتي متعرفيش؟ صوت الدكتورة نور بلهفة: لا معرفش أيه ؟، خير الدكتور مروان بحزن: الدكتورة علا توفت صوت الدكتورة نور حزين: أمتى ؟ الدكتور مروان بحزن: من فترة طويلة صوت دكتورة نور بحزن: توفت إزاي؟ الدكتور مروان يبتلع ريقة: نفس المرض اللعين صوت الدكتورة نور بحزن: كانسر؟ الدكتور مروان بحزن: أيوه صوت الدكتورة نور بخوف: معملتش عليها التجارب ؟ الدكتور مروان : لا ، أنتي عارفه إن الدكتور كامل الوحيد هو اللي عرف سر النبات قبل ما يختفي صوت الدكتورة نور بمرارة: أيوه، والسر أدفن معاه الدكتور مروان مبتسم: المهم ،الحمد لله أنك تمام صوت الدكتورة نور بحزن: الحقيقة مش تمام خالص الدكتور مروان بقلق: ليه بس؟ صوت الدكتور نور ببكاء: قاعدة لوحدي في غربة وعزلة ووحدة شديدة صوت الدكتورة نور بحسم: عشان كدا بكلمك الدكتور مروان مبتسم: خير يارب صوت الدكتورة نور بخجل: كنت عايزاكم تيجوا تقعدوا معايا في الفيلا بدل ما أقعد لوحدي الدكتور مروان وقد اتسعت ابتسامته وهو ينظر بانتصار لنفسه في المرٱة الدكتور مروان: والله فكرة حلوة، أنتي عارفه أني عايش في منطقة بعيدة عن العمار ، عشان أعمل ابحاثي صوت الدكتور نور ضاحك : أيوه عشان الإنفجارات اللي بنعملها الدكتور مروان ضاحك: أيوه عشان لو حصل انفجار يبقى في بيتنا بس ما نضرش بيوت الناس اللي حولينا الدكتور مروان: البيت عيد وحبيبة وحيدة ومش مبسوطة ، وأنا مش عارف افهم دماغها، ولا أبرر تصرفاتها صوت الدكتورة نور بقلق: أنا كنت بقولك أنك هتيجي مع حبيبة والدكتورة علا، بس بعد ما عرفت بوفاة الدكتورة علا ، معرفش ينفع أنك…. الدكتور مروان بغيظ : طبعا ينفع أني أجي، الدكتور كامل أخويا تلمع في ذهن دكتور مروان فكرة فيبتسم لنفسه في المرٱة الدكتور مروان مبتسم:هو أنتي نقلتي كل أدوات المعمل بتاعت دكتور كامل صوت الدكتورة نور : طبعا الدكتور مروان مبتسم: طيب جميل، أنا ممكن إجي أقعد في الفيلا وأجر أوضة عندك ، وكمان استعمل المعمل في تجاربي صوت دكتورة نور سعيد: فكرة كويسه جدا يضحك دكتور مروان : وأنتي تاخدي بالك من حبيبة ، وأنا اخد بالي من نسيم ، ونبقى عيلة واحدة، ونلم الشمل تاني صوت الدكتور نور بسعادة: فكرة جميلة ، هتيجي أمتي؟ الدكتور مروان : بعد بكره على ما ارتب أموري دكتورة نور بحماس: منتظرااااك ………... عودة إلى صالة فيلا دكتورة نور يقف دكتور مروان وهو يشير بأصبعه على دكتور نور بعصبية دكتور مروان بعصبيه: أنتي قلت لك بالحرف الواحد، هاحي عشان أنتي تاخدي بالك من حبيبة ، وأنا اخد بالي من نسيم ، ونبقى عيلة واحدة، ونلم الشمل تاني الدكتور مروان ينظر إلى دكتورة نور وهو يهز رأسه بعصبيه دكتور مروان بعصبيه: صح؟ تهز دكتورة نور رأسها دامعة الدكتور نور دامعة: صح ، بس فيه….. الدكتور مروان وهو يصعد على السلم بعصبيه الدكتور مروان بعصبيه : لو كنتي عيزاني أقعد هنا عشان أرجع تاني للتجربة دي، فأنا طالع أجهز شنطتي عشان أمشي دكتورة نور بتوسل: عشان خاطري يا دكتور مروان تقعد معانا يقف دكتور مروان مبتسم على السلم الدكتورة نورة بحزن : نسيم مافرحش ولا ضحك واتكلم ، إلا لما حبيبة جت، أنا مصدقت يبقى له أصحاب ويبعد عن الوحدة والكآبة اللي كان عايش فيها الدكتور مروان ينزل من على السلم ، وهو ينظر إلى الدكتورة نور الدكتور مروان: مقدرش أرفض لك طلب يا دكتورة نور، بس ياريت ما نتكلمش في موضوع التجربة دا تاني نهائي الدكتورة نور تهز رأسها مستسلمة الدكتورة نور: حاضر يا دكتور مروان، خلاص ، هقفل الموضوع ده خالص الدكتورة نور متوسلة: بس عشان خاطري تفضل أنت وحبيبة معانا الدكتور مروان ينظر إلى الدكتورة نور مبتسم وهو يهز رأسه الدكتور مروان مبتسم: أنتي عارفة إن امنيتي من زمان أني أفضل معاكي تنظر الدكتورة نور إلى دكتور مروان نظرة غريبة يهز رأسه دكتور مروان مبتسم الدكتور مروان: أقصد أقعد معاك ومع نسيم يلف الدكتور مروان جسده ويصعد على السلم الدكتورة نور بخوف: رايح فين؟ يقف دكتور مروان على السلم ولا يرد ……….. في حديقة فيلا دكتورة نور حبيبة وهى تمشي بجوار نسيم حبيبة بحزن: هنعمل أيه يا نسيم دلوقتي؟ نسيم بحماس: هندور على الكرتونة اللي فيها العصافير الصغيرة، لو لقينا الكرتونة يبقى هنلاقي العصافير الصغيرة حبيبة تنظر إلى نسيم بسعادة وهى ترفع ابهامها حبيبة بسعادة: صح، أكيد بابا حطهم في حته هنا ولا هنا تقف حبيبة وهى تزقزق وترفرف بيدها ينظر نسيم إلى حبيبة وهو يضحك نسيم ضاحك: بتعملي أيه؟ حبيبة تنظر من نسيم عليها بغيظ حبيبة بغيظ : بزقزق زي صوت العصافير عشان لو أولادي سمعوا صوت الزقزقة يفتكروا إن أمهم جت لهم و يجو بسرعة نسيم ضاحك: مش بتقولي مش بيعرفوا يطيروا حبيبة عاقدة حاجبيها حبيبة : ممكن يجوا مشي نسيم ضاحك: طيب سيبك من الزقزقة ، وتعالى ندور عليهم حبيبة بغيظ: طيب ترفع حبيبها ابهامها في وجه نسيم بغيظ حبيبة بغيظ: ممكن بعد كده متبقاش تضحك عليا نسيم مبتسم: حاضر ، تعالي بقى ندور عليهم كويس يبحث نسيم وحبيبة عن كرتونة العصافير نسيم ينظر إلى حبيبة وهو يفكر بصوت مرتفع نسيم : تفتكري يكون الدكتور نروان دخلهم في الفيلا جوه ؟ حبيبة تنظر إلى نسيم عاقدة حاحبيها حبيبة: يبقى كده أحنا بندور في المكان الغلط تجري حبيبة مع نسيم إلى الفيلا مسرعين ………… في صالة فيلا دكتورة نور دكتور نور بلهفة : مش قلت هتقعد معانا خلاص يبتسم الدكتور مروان لنفسه بانتصار، ثم يلف وجهه إلى الدكتورة نور الدكتور مروان: رايح أغير هدومي ، بعدين أنزل أعملك أحلى شاي تشربيه حبيبة وهى تدخل مع نسيم مسرعة تنادي على والدها حبيبة بصوت مرتفع ، وهى تنهج من الجري حبيبة: بابا ، بابا الدكتور مروان وهو ينظر إلى حبيبة بلهفة الدكتور مروان بلهفة : مالك يا حبيبة فيه أيه؟ حبيبة وهى تقف تلتقط أنفاسها من الجري حبيبة: عايزه اسألك على حاجة الدكتور مروان وهو يعقد يديه بضيق الدكتور مروان: اتفضلي اسألي بسرعة عشان أطلع أغير هدومي حبيبة : بابا ، فين اولادي تجحظ عيون دكتور مروان ، بينما دكتورة نور تبتسم إلى حبيبة الدكتور مروان وهو مرتبك: معرفش،شوفيهم فين، أنا مالي؟ تنظر حبيبة إلى الدكتور مروان وهى تفهم ارتباكه حبيبة بحزم: وديت كرتونة أولادي فين يا بابا؟ دكتور مروان وهو يشير إلى الحديقة دكتور مروان: حطيتهم تحت شجرة جنب بوابة الفيلا حبيبة تنظر إلى دكتور مروان وهى تبكي حبية باكية : ليه يا بابا ، زمان القطط والكلاب كلتهم؟ الدكتور مروان بجدية: ولو فضلوا في العربية هيتخانقوا ويموتوا حبيبة بحزن : ماهم أكيد ماتوا يا بابا الدكتور مروان وهو يصعد السلم بضيق الدكتور مروان : أنا مش فايق لك يا حبيبة ، أنا طالع أغير هدومي، ولما أنزل نتكلم في موضوع العصافير دا الدكتورة نور تنظر إلى حبيبة بحنان وهى تمسح على شعرها الدكتورة نور: بصي يا حبيبة يا حبيبتي هما عصافير صغيرين ، ومش هنعرف نأكلهم ولا نخليهم يطيروا حبيبة باكية: كنت عايزهم يفضلوا معايا لما يطلع لهم ريش ويقدروا يطيروا لمامتهم ، ويبقوا كلهم مع بعض سوا الدكتورة نور تشعر بفقد حبيبة لوالدتها الدكتور نور : أحنا مش عارفين مامتهم فين؟ نظر نسيم إلى حبيبة بحزن نسيم بحزن: يمكن الصياد اصطادها حبيبة تنظر إلى نسيم والدكتورة نور بحزن حبيبة بحزن: يعني مامتهم ماتت وسبتهم هما كمان ينظر نسيم إلى حبيبة بحزن ، بينما الدكتورة نور تقبل حبيبة وتبتسم وهى تفكر في فكرة جميلة دكتورة نور: تعرفي إن أحنا عندنا عصافير صغيرة لونها حلو أوي ؟ حبيبة تنظر إلى دكتورة نور بسعادة: بجد؟ الدكتورة نور: أيوه أنا عندي قفص عصافير ملونة جميلة تشير الدكتورة نور إلى نسيم مبتسمة الدكتورة نور مبتسمة: ونسيم كمان عنده قفص عصافير ملونة جميلة نسيم مبتسم: تعالى معايا يا حبيبة فوق اف*جك على قفص العصافير بتاعي، ، أنا قفصي في عصفورتين ، خدي واحده وأنا واخد واحدة تبتسم حبيبة : ياريت الدكتور نور مبتسمة: لا تنظر حبيبة وينظر نسيم إلى الدكتورة نور بتعجب الدكتورة نور مبتسمة : أنتي هتاخدي القفص بتاعي ، ويبقى لك قفص فيه عصفورتين ملونين ، ونسيم قفص فيه عصفورين ملونين ، حلو كده؟ تحتضن حبيبة الدكتور نور حبيبة ونسيم بسعادة: حلو ، حلو أوي تصعد حبيبة مع نسيم في سعادة ……….. في الطرقة يمشي نسيم و بجواره حبيبة يقف نسيم في آخر الطرقة المعلق على جدارها قفصين من العصافير الصغيرة الملونة وهى تزقزق بسعادة تقف حبيبة أمام القفصين بسعادة حبيبة : فين قفصك ؟ يشير نسيم بسعادة إلى احدى الأقفاص نسيم: دا قفصي تنظر حبيبة إلى القفص الٱخر بسعادة حبيبة بسعادة: يعني دا قفصي نسيم بعطف: خدي اللي يعجبك فيهم، لو عايزة قفصي خديه حبيبة مبتسمة وهى تنظر إلى نسيم حبيبة: لا خلاص أنا هاخد القفص دا ، هو عجبني نسيم يرفع أكتافه وينظر إلى حبيبة مبتسم نسيم: خلاص خذيه حبيبة وهى مبتسم : عايزه احط للعصافير الصغيرة أكل، هو فين أكلهم؟ يشير نسيم إلى حقيبة كبيرة معلقة على الحائط بجوار حائط غرفة مغلقة نسيم مبتسم: ماما معلقاه هنا أهو تذهب حبيبة وتخرج بعض الطعام من الحقيبة المعلقة، ويساعدها نسيم في وضع الطعام إلى العصافير، تطير العصافير في القفص ،و تزقزق بصوت جميل تضحك حبيبة ضحكة عالية بسعادة حبيبة وهى تشير إلى الغرفة المغلقة حبيبة: دي اوضة الدكتور مروان ينتظر نسيم إلى الغرفة المغلقة بحزن نسيم بحزن: لا دي أوضة الدكتور كامل والدي تنظر حبيبة إلى نسيم بتعجب حبيبة بتعجب: هو فين؟، أنا مشفتوش من ساعة ما جيت يهز نسيم كتفه ، وهو ينظر إلى حبيبة ولا يرد تهز حبيبة كتفها وتفهم أن نسبم لا يريد الحديث عن الدكتور كامل ……. في غرفة الدكتور مروان يرن هاتف دكتور مروان ينظر دكتور مروان إلى المتصل يجده جوجو فلا يرد يرن هاتف دكتور مروان مرة أخرى دكتور مروان يرد على الهاتف بضيق دكتور مروان بضيق: أهلا جوحو صوت جوجو: أزيك صحتك يا دكتور مروان ، وحشتني مووووت دكتور مروان بضيق: الحمد لله ، أنتي متصله عشان تطمني على صحتي؟ صوت جوجو ضاحك: أنا صحيح بحبك ، بس مش للدرجة دي الدكتور مروان بضيق: عارف كويس مقدار حبك ليا قد أيه ، المهم متصلة ليه ؟ صوت جوجو: عشان اسألك …. دكتور مروان مقاطع: بتسأليني نفس السؤال ، وهجاوبك نفس الإجابة صوت جوجو ضاحك: لا ما اظنش هتجاوب نفس الإجابة، معلوماتي بتقول أنك هتبدأ بحث جديد مع دكتورة نور الدكتور مروان بضيق: انتي عرفتي منين؟ دكتور مروان يض*ب على رأسه: اااااه ، دا أنتي بترقبيني بقى؟ صوت جوجو ضاحك: من خوفي عليك أنك تعمل حاجة غلط وتكتب بأيدك نهايتك دكتور مروان بضيق: لا ما تخفيش عليا صوت جوجو محذر: أنا بس بفهمك دكتور مروان بضيق: لا ماتخفيش أنا فاهم كويس أوي صوت جوجو ضاحك: طيب مش هشوفك ، ولا أنت خلاص عند حبيبة القلب الدكتور مروان غاضب: بلاش الكلام دا يا جوجو، ما تدخليش في حياتي الشخصية خالص الدكتور مروان وقد أحمر وجهه غضبا: فاهمة خالص يغلق دكتور مروان الهاتف ، ويرميه على السرير دكتور مروان وهو يجلس على السرير بضيق دكتور مروان بضيق: وبعدين بقى معاك يا جوجو، لازم يكون فيه حل معاك ... …. في غرفة نسيم تدخل حبيبة مع نسيم غرفته يشير نسيم إلى باب غرفته من الداخل نسيم: الوحش خبط الباب على باب أوضتي من بره، وقعد ينادي نسيم يضخم صوته يحاول أن يقلد صوت الوحش نسيم : كانسنو، كانسنو حبيبة ضاحكة من صوت نسيم، ثم تنظر إلى نسيم وهى تفكر حبيبة: هو أنت اسمك كانسنو؟ نسيم ضاحك: لا طبعا اسمي نسيم حبيبة تنظر إلى نسيم وهى تفكر حبيبة: فيه شخص تعرفه ، اسمه كانسنو؟ نسيم ضاحك وهو ينظر إلى حبيبة نسيم: هو فيه حد في الدنيا اسمه كانسنو حبيبة تهز رأسها حبيبة : عندك حق حبيبة تنظر إلى نسيم وتفكر حبيبة: ممكن كانسنو دا، لها معنى معين احنا مش عارفينه؟ نسيم يخرج هاتفه ويبحث على النت عن اسم كانسنو نسيم وهو يعطي هاتفه إلى حبيبة نسيم: مافيش أي حاجة ظهرت بالاسم دا حبيبة وهى تنظر إلى نسيم حبيبة: أنت سمعت صوته كام مرة نسيم: مرتين، مرة لما حه هنا، وسمعت زمحرته في اوضة ماما ، بس ماما بتأكد أنها كانت في أوضتها طول الوقت ومطلعتش من أوضتها إلا لما دكتور مروان ض*ب جرس البيت حبيبة : طيب ممكن تحكيلي أول مرة لما سمعت الصوت أيه اللي حصل بالضبط نسيم يتذكر هحكي لك بالضبط كنت نايم ، وصحيت لما سمعت صوت خبط ثقيل على باب اوضتي من بره، وبعدين سمعت صوت حيواني مخيف كان بينادى ويقول : كانسنو ..كانسنو قمت مفزوع من الصوت المخيف قلت بخوف : مين ..مين؟ قالي الصوت المخيف بزمجره مرعبه: كانسنو..كانسنو حاول الصوت المخيف أنه يفتح باب أوضتي بس معرفش زمجر الصوت بعصبية وخبط على الباب بقوة أكثر وقعد ينادي : كانسنو، كانسنو قمت من على سريري فضل الصوت الوحشي يض*ب أيده الثقيلة على باب اوضتي وهو بينادي بصوت عالي مخيف كانسنو..كانسنو اتهز باب اوضتي بقوة ومالت العلاقة ووقعت هدومي من فوق الباب على الأرض ، وبعدين جت ماما تنظر حبيبة إلى نسيم بتمعن حبيبة : وبعد ما جت مامتك ، ليه قالت لك إن دا حلم؟ نسيم بتوتر: لأني كنت مستخبي تحت السرير، ولما طلعت لقيت العلاقة سليمة ،والهدوم على العلاقة زي ما كانت حبيبة ضاحكة: يبقى كنت بتحلم ومفيش وحش فعلا نسيم ينظر إلى حبيبة بغيظ نسيم: لما ماما مشيت وخبطت باب أوضتي بقوة، لقيت العلاقة وقعت وفيه حفر كبير على الباب أوضتي من جوه حبيبة بحزم وهى تنظر إلى نسيم حبيبة بحزم: طيب نسيم: بتفكري في أيه؟ تخرج حبيبة وتقف أمام غرفة نسيم ولا تجيب على سؤاله يظل نسيم في غرفته ، وينادي على حبيبة التي تقف أمام الغرفة تنظر بتمعن نسيم من داخل الغرفة نسيم : يا حبيبة ياحبيبة حبيبة تنظر إلى باب الغرفة ولا تبالي بنداء نسيم يخرج نسيم ويقف بجوار حبيبة التي مازالت تنظر إلى الباب نسيم: مش تعرفيني بتفكري في أيه بالضبط؟ حبيبة وهى تفكر: هعرفك طبعا يدخل نسيم ومن خلفه حبيبة يجلس نسيم على طرف السرير ، بينما تقف حبيبة أمام باب غرفة نسيم من الداخل وهى تنظر إلى الباب من الداخل نسيم : مالك يا حبيبة أنتي واقفه كده ليه؟ حبيبة تنظر إلى نسيم مبتسمة حبيبة وهى تشير إلى نسيم أنا يقف بجوارها حبيبة: تعالى كده يا نسيم نسيم يقوم من على السرير بضيق نسيم بضيق: نعم يا حبيبة عايزة ايه، بتبصي على أيه في الباب ؟ حبيبة تنظر إلى نسيم مبتسمة حبيبة مبتسمة :اقفل الباب بكل قوتك يا نسيم نسيم ينظر إلى حبيبة بتعجب نسيم بتعجب :ليه يا حبيبة؟ حبيبة تنظر إلى نسيم بضيق حبيبة بضيق:انت لسه هتسال تغلق حبيبة الباب بقوة حبيبة تنظر إلى الباب مبتسمة ، ثم تنظر إلى نسيم بجدية حبيبة بجدية : أنا عرفت حاجة مهمة عن الوحش ……. لعنة كانسنو …….. بقلم نانيس خطاب ….. للتواصل naniskids1@g*******m‬‏

Free reading for new users

Scan code to download app

App Store Google Play

Facebookexpand_more