Nang dumating ang tanghali ay tumulong ako sa pag-luluto ng tinola. Hindi ko masyadong gamay ang pagluluto noon kaya tumulong na lang ako sa paghihiwa ng papaya. Sina Ycos naman ang nagkatay ng manok. Hindi makalapit doon si Arthur at halos mamutla nang makita ang dugong umagos sa leeg ng manok. Hindi ko maiwasan ang matawa.
Sabay-sabay kaming kumain ng ilang nagta-trabaho rin dito. Malaki naman ang kusina kaya kasya ang sampu. Napag-usapan pa ang tungkol sa childhood memories nina Arthur at mga kapatid niya. Madalas daw pala sila noon dito pero simula nga nang mamatay ang lolo nila ay hindi na naulit. Busy ang magulang nila dahil sa business. Lalo na ang dalawa pa niyang kapatid. Halos Christmas vacation lang nakakabisita rito. Pero itong si Arthur lang ata ang madalas sa magkakapatid. S
