After my father's burial, dumiretso ako ng hospital para bisitahin si Arthur... sa huling pagkakataon. Nagpasama rin ako kay Gilbert na umuwi pa ng Pilipinas para maka-punta sa burol. Isa pa sa dahilan kung bakit ako nagpasama ay wala ako sa huwisyong mag-drive ngayon.
Malalim pa rin ang iniisip ko sa labas ng bintana sa kung paano ako makikipaghiwalay sa kaniya. I need to say my proper goodbye and break up with him. Mabigat pa rin ang pakiramdam ko ngayon, kasama na sa pakiramdam na iyon ay ang pagkawala ni dad.
Huminga ako nang malalim bago buksan ang pinto ng room niya habang nandito lang sa labas si Gilbert. Napalunok ako ng laway at pilit na inilakad ang aking mga paa palapit sa kaniya. Parang umurong ang dila ko nang makita ko ang pag-ngiti niya ang makita akong narito. Oh God, I
