NYX
Lumabas ako sa mall na ang tanging dala ko lang ay isang bag na may laman na ilang damit at ilang mga gamit na hindi ko alam kung sino ang naghanda dahil wala naman akong dinala na kahit ano noong umalis kami sa asylum. Bukod sa konting cash ay may nakasulat din na address sa isang maliit na note kaya balak kong puntahan ang address na nakasulat.
Habang naghihintay ng masasakyan sa gilid ng daan ay muling kinuha ko sa bag ang note na nakita ko dito sa bag at muling binasa ang nakasulat. Pero bago ko pa tuluyang mabasa ang address ay may humila na ng bag ko kaya agad na napalingon ako sa likuran.
“Unahin mo yung bag bago mo kapkapan!” Sigaw ng lalaking humila sa bag ko.
“Anong ginagawa–”
Hindi na ako nakapagsalita nang may pumalo sa batok ko kaya tuluyan akong nawalan ng malay. Nan
