PAGKATAPOS ng paulit-ulit na paalala ng kanilang facilitator kung ano ang dapat at hindi dapat nilang gawin ay pinapunta na ang bawat estudyante sa bawat silid ng mga ito. Inatasan ang bawat estudyante na ilagay ang kanilang mga gamit sa loob ng silid bago sila pumunta sa dining hall upang kumain ng hapunan.
Magkasabay na naglakad si Eloise at ang kanyang mga kaibigan papunta sa kanilang silid. Nauuna ang dalawang dalaga habang nasa likuran naman ng mga ito ang apat na lalaki. Palipat-lipat ang tingin ng mga ito upang tignan ang numero ng bawat kuwartong nadadaanan nila, hanggang sa biglang huminto si Eloise at lumingon sa apat na lalaki.
"Our room is here," aniya at tinignan muli ang numerong nakaukit sa pinto upang siguraduhin ito.
Dumako ang tingin ng apat na lalaki sa pinto ng silid
