PAGKAUWI nina Eloise at Jianne sa dorm ay agad na nagmadali si Eloise na makipagkita kay Voltaire. Sa labis na pagmamadali nito ay hindi man lang nasabi ni Jianne sa kaibigan na hindi pumasok si Voltaire.
Habang masaya silang nagkakantahan kanina ay nakatanggap siya ng mensahe galing kay Arkie at sinabi nitong hindi pumasok si Voltaire. Napakamot na lang siya sa kanyang batok nang tignan ang nakabukas nilang pinto kung saan doon lumabas ang kaibigan.
"Hayy!" usal niya sabay salampak sa kanyang malambot na higaan.
Kinuha niya ang maliit niyang unan at niyakap ito habang nakatagilid. Ipipikit niya na sana ang kanyang mga mata dahil nakaramdam na siya ng pagkaantok, pasado alas nuwebe na kasi ng gabit sila nakauwi. Nang biglang tumunog ang cellphone na siyang nasa ulohan niya.
She imme
