Kagaya nga ng inasahan ni Eloise, hindi talaga siya tinitigilan ni Jianne sa pang-aasar nito. Hanggang ngayon na kasalukuyan silang kumakain ng lunch ay patuloy pa rin ito sa pagtatanong ng mga bagay na lubos na ikinakahiya ni Eloise.
"Masarap ba?" pagtatanong ni Jianne na may isang nakakalokong ngiti habang sinusubo ang leche flan sa bibig niya.
Napairap si Eloise sa kawalan dahil sa pang-aasar nito sa kanya. "Alam mo, kanina ka pa!" singhal niya sa kaibigan at tinignan ito ng masama.
Nagpakawala ng isang malakas na pagtawa si Jianne dahil naasar na naman niya ang kaibigan. Samantala, si Eloise ay kanina pa naririndi sa pabalik-balik nitong pagtatanong tungkol sa nangyari kagabi.
Napapasulyap si Voltaire sa gawi ni Eloise dahil rinig na rinig niya ang pagtawa ni Jianne. Napangiti siya
