“Just go with the flow,” utos nito kay Eloise.
Hindi na umangal pa si Eloise dahil naisip niya na ginagawa ito ni Voltaire upang patahimikin ang mga lalakeng walang tigil kung pag-usapan siya.
Hanggang sa makalabas sila, walang salita na narinig si Eloise magmula no’ng inakbayan siya ni Voltaire. Tama nga ang hinala niya, ginawa iyon ni Voltaire upang protektahan siya.
Pero hindi niya pa rin mapigilan ang hindi mainis dito dahil sa kabila ng mga ginawa at pinagdaanan niya upang iwasan na may makakita sa kanya, ito pa mismo ang nagbunyag sa madla na nakapasok siya.
“Alam mo bang nakakainis ka?” usal ni Eloise habang nakasunod kay Voltaire na hindi niya naman mawari kung saan ito papunta.
Huminto ito at hinarap siya. “What did I do?” aniya habang kalmang nakatingin kay Eloise.
“What d
