Nakarating kami sa Pasacao bago pa mag-hapunan. Nakangiti akong naglakad papasok sa bahay dala ang ilan sa mga pinamili ko habang si Corro ay nakasunod lamang dala ang iba pa.
“Nay! Nandito na po kam–” napatigil ako sa pagsasalita.
Napakunot pa ang noo ko dahil mukhang iritadong-iritado si Nelya habang kausap si Tita Vicky sa sala kung nasaan rin si Lola. Nasa may gilid ito ng ataul. Hindi ko na binigyang pansin ang kamay ni Corro na gumapang sa aking balikat.
“Kung bakit ba naman kasi nandito ang kigwang ‘yon! Nakita niya pa ako saka si Nilo. Pambihira nga naman!” sunod-sunod na anito. Namumula sa pagkairita at mataas ang boses.
Napabuntong-hininga si Tita Vicky saka bahagyang ngumiwi. “Malay mo, gusto na kayong makasama nong tao–”
“Wala akong pake! Tsaka aba! Ni hindi niya alam na m
