Kabanata 8
A L E X A
Kasasakay niya lang sa sasakyan niya nang maabutan ko siya. Hindi na ako lumapit pa sa sasakyan niya para habulin siya dahil ano naman ang sasabihin ko sa kanya? Hindi ko nga lang alam kung bakit ko pa siya sinundan hanggang dito.
Nababaliw ka na ba, Alexa? Makakalibre ka na sana ng pamasahe kung hindi mo hinabol ang lalaking 'yan. Nahihibang na yata ako… Hindi ko talaga alam kung anong pumasok sa isip ko at hinabol ko pa talaga siya hanggang dito.
Bumuntong hininga ako at bumalik na lang sa pinaggalingan. Naroon pa si Lance nang nakabalik ako. Nagtaas siya ng kilay sa akin at muling inalok ang helmet niya. Ngunit umiling nga lang ako para tumanggi.
“Hindi na. Mauna ka na,” sabi ko.
Umangat ang gilid ng kanyang labi at nagkibit balikat.
“Ikaw ang bahala,” may b
