Kabanata 14
A L E X A
Mabilis din akong humiwalay sa pagkakahalik sa kanya at nang makita ko ang kanyang ekspresyon pagkatapos ng ginawa ko ay bigla akong nakaramdam ng matinding hiya. Hindi ako makapaniwala na ginawa ko 'yon at base sa kanyang reaksyon ay nabigla din siya sa ginawa ko. Uminit ang magkabilang pisngi ko at kumalat iyon sa buong mukha hanggat sa aking leeg. Hiyang-hiya ako sa ginawa ko. Ni hindi ko na magawang tumingin sa kanya ngayon ng diretso pagkatapos ng ginawa ko.
Ilang segundo na walang makapagsalita sa aming dalawa. Bawat segundo ay tila oras ang katumbas sa akin. Lalo akong nakakaramdam ng matinding hiya sa bawat segundong dumadaan na hindi ako makaimik kaya nilakasan ko na ang loob ko at sinubukang gawing normal ang ekspresyon kahit na tila nagwawala na ang mga
