Kabanata 13
A L E X A
Wala nanaman yatang magawa sa pera si Leanne at nagpasama nanamang mag-shopping pagkatapos ng klase namin. Buti na lang talaga at wala akong pasok sa trabaho kaya nasamahan ko siya. Pagkatapos niyang magsawa sa pamimili ng kung ano-ano ay nagyaya naman siyang kumain. Nagutom nga din ako sa kakaikot namin. Kung saan-saan na kaming store pumasok. Grabe din kung mag shopping ang babaeng 'to. Walang awat.
Hindi kaya nauuubos ang pera ng magulang nitong si Leanne? Ano kayang pakiramdam ng ipanganak na mayaman?
“Hindi ka ba pinapagalitan ng parents mo sa mga gastos mo?”
Nagkibit balikat si Leanne. “Minsan pinagsasabihan ni Dad pero hindi pa naman napapagalitan tulad ng iniisip mo.”
Ngumiti ako. “Ang swerte mo pala sa mga magulang mo, ‘no?” May tumakas na inggit sa aki
