وحيدة في أرض الغيلان

الفصل الخامس

صحيت خديجه الفجرتصلي زى كل يوم بس كان احساسها مختلف عن كل يوم حاسه بفرحه وسعاده

مديحه: ماشاء الله عليكى ياخديجه زى القمر النهارده

خديجه: تسلمي يا ماما ربنا ما يحرمنيش منك

خلصت خديجة صلاتها ونادتها مديحه عشان تقول معاها الاذكار

وبعدما خلصوا قالت لها

مديحه: ادخلي ريحى ياحببتي شويه عشان تروحى شغلك فايقه ومصحصحه

خديجه: لا ياماما مش جايلى نوم ادخلى انتى ارتاحى شكلك مرهقه

مديحه: ماشي هدخل اريح شويه وابقي صحينى بعد ساعتين

خديجه: حاضر يا ماما

بدأت خديجه فى تنضيف البيت وجهزت الفطار وراحت تصحى مديحه عشان يفطروا سوا

وبعد الفطار بدأت تجهز نفسها عشان الشغل الجديد

مديحه: ماشاءالله تبارك الله تعالي اما ارقيكى ياخديجه ياحببتي ربنا يحميكى

خديجه: حبيبتي يارافعه معنوياتى

مديحة:خدى ياحبيتى الفلوس دى خليها معاكى

خديجه: لا ياحبيبتى انا معايا انتى نسيتى ان سعد اخويا بعت لى مصروف قد الدنيا ههه

مديحه: اسمعى ياحببتي الكلام خليهم معاكى عشان لو احتاجتى حاجه انتى مش بتقولى ان انا زى مامامتك مات**فنيش بقه

خديجه بحرج: حاضر يا ماما

مديحه: هبقي اطمن عليكى اوعى تخلي التلفون صامت

خديجه: حاضر

رن جرس الباب

مديحه: اكيد دى خالتك عواطف جايه توصلك.

فتحت لها خديجه الباب

عواطف: السلام عليكم

ردوا عليها السلام

عواطف: ايه ياخديجه اللي انتى عملاه في نفسك ده؟!!

خديجه باستغراب: عامله ايه ياخالتو؟!

عواطف: مقفله يااختى على نفسك باب وشباك طيب كنتى حطى يااختى أحمر ولا اخضر زى ماالبنات بتعمل انتى خايفه حد بلدياتك يشوفك ولا إيه؟!

خديجه: لا ياخالتو مااقدرش أعمل كده . الشيخ قال حرام

عواطف: لا واضح ان تعبنا كله هيروح ع الفاضي طيب يلا ياخديجه عشان مانتأخرش

وصلت خديجه وعواطف للمكتبه واتعرفت علي هدير اللي هتعلمها نظام الشغل

عواطف: امال فين صاحبه المكتبه كنت عايزه اتكلم معاها شويه

هدير: هى عندها ظروف النهارده ومش هتقدر تيجى ان شاءالله بكره تكون موجوده

عواطف: طيب مش هوصيكى علي خديجه فهميها نظام الشغل واحده واحده وهى شاطره وهتتعلم بسرعه

هدير: طبعا ياطنط ماتقلقيش دى في عنيا

استأذنت عواطف ومشت

هدير: انتى عندك كام سنه ياخديجه؟!!

خديجه: خمسه وعشرين سنة

هدير: يعنى انا أكبر منك بسنه واحده

بصي ياستى نظام الشغل هنا مش صعب بس عايز تركيز هيبقي معاكى الحسابات كل واحد هيدخل يشترى حاجه ويرجع لك بكارت فيه قائمه بالحاجات اللي اشتراها تاخدى منه الكارت وتستلمى الفلوس واخر اليوم تجردى الكروت والفلوس تمام؟

خديجه: تمام

هدير: عشان انتى أول يوم النهارده هتابعينى وبكره هخليكى تشتغلي وانا هتابعك من بعيد

خديجه: اتفقنا

★★★

دخلت هدى تصحى صلاح

هدى: قوم ياصلاح ياابنى عشان تروح لابن عمك المستشفى وتجيبه علي هنا انا هطبخ وأجهز أوضه اختك عشان نادر وزياد يقعدوا معانا

ع الاقل لما نادر يفك الجبس اللي في دراعه

صلاح: حاضر يا ماما

وفعلا راح صلاح المستشفى وأصر يجيب نادر وزياد معاه

صلاح: مااقدرش ادخل البيت من غيركوا انا جاى في مهمه رسميه ولو ماجيتوش ممكن اطرد من البيت وانا لسه مافرحتش بأوضتى وسريرى بعد غياب خمس سنين ياناس

نادر: خلاص ياعم انت هتشحت حاضر جاييين معاك

وفي الطريق رن تليفون نادر برقم حماته

نادر: السلام عليكم

ازيك ياماما عفاف اخبارك ايه النهارده

عفاف: بخير ياابنى اخبارك ايه واخبار زياد ايه النهارده

نادر: الحمد لله بخير

عفاف: سامحونى ماقدرتش اجيلكوا المستشفى الايام اللي فاتت ربنا وحده عالم انا كان حالتى ايه

نادر: انا مقدر طبعا ياماما

عفاف: هات زياد يانادر وتعالي علي هنا عايزاك في موضوع مهم ياابنى

نادر: بس احنا روحنا علي بيت عمى وخلاص قربنا نوصل

عفاف: خلاص خير انا هيجيلكوا علي هناك لانى برده عايزه الحاجه هدى في حكايه كده

نادر: خلاص تمام نتقابل هناك مع السلامه

صلاح: يلا ياشباب وصلنا بحمد الله إلي أرض الوطن

طلعوا البيت كانت هدى في انتظارهم

هدى: اهلا وسهلا ياحبايبى شرفتوا ونورتوا

اتفضلوا اقعدوا ارتاحوا من الطريق دقايق والغداء يكون جاهز

نادر: تسلمى ياحببتي ربنا مايحرمناش منك

وبعد عشر دقائق

هدى يلا ياولاد الاكل هيبرد بسرعه تعالوا

وبعد الغداء قعدوا سوا يتكلموا

صلاح: هقوم اعملكوا دور شاى بقي ماحصلش

محمد" اخو صلاح" : استر يارب

رن جرس الباب

هدى: ياترى مين هجيلنا دلوقتي؟!!

نادر: دى أكيد دى ماما عفاف كانت بتقول عايزانى في موضوع

محمد: حماتى حبيبتي هروح افتح لها

راح محمد يفتح الباب

محمد وظهر علي ملامحه الضيق: اهلا طنط سوسن

ازيك ياايمان اتفضلوا

ظهر الضيق والتوتر علي ملامح الكل لدخول سوسن وايمان

هدى هامسه بصوت ضعيف: ودول ايه اللي جابهم الساعه دى حاجة تق*ف!!!!

هدى: ازيك يا سوسن

سوسن: الحمد لله

هدى: ازيك يابنت اخويا

ايمان: ازيك ياعمتى سلم يامودى علي تيته

سوسن: البقيه في حياتك يااستاذ نادر

نادر: متشكر

ايمان: احنا جايين نسلم علي صلاح اول ماعرفنا انه خرج بالسلامه

هدى بتهكم: فيكى الخير والله

سوسن: امال هو خرج ولا ايه؟!

هدى: لا موجود ثوانى اشوفه صاحى ولا نايم

دخلت هدى المطبخ لقت صلاح واقف في المطبخ والدموع بتجرى من عنيه

هدى بأسى: انسى بقي باصلاح ياابنى وعيش حياتك اللي زى دى مايتبكيش عليها نسيت اللي عملته فيك وفينا كلنا

لولا الملامه كنت طردتها هى وامها

عالم بجحه يقتلوا القتيل ويمشوا في جنازته خليك هنا ماتخرجش

رجعت لهم هدى: معلش هو نايم ياجماعه

سوسن: طيب نستأذن احنا ونبقي نجيله وقت تانى

هدى: ما لسه بدرى

سوسن: اصل أحمد جوز ايمان مش بيحبها تتأخر وبيغير عليها أوى

هدى بسخرية : سبحان الله طيب يلا ياحببتي مع السلامه عشان مايضايقش

خرجت سوسن وايمان

هدى بضيييق: اعملنا عصير ليمون يامحمد اهدى اعصابى بعد الزيارة السوده دى

★★★

اما بالنسبة لندى فمفيش جديد غير زياره ممله كالعاده من عمتها وكلامها المستفز

ابتسام" عمه ندى": يااما نفسي اشوفك عروسه قبل ماأموت ياندى

مفيش عريس كده ولا كده ياذكيه؟!؛

ذكيه: يعنى لو فيه هخبى ليه ياابتسام

ابتسام: يكونش البنت دى معمولها عمل بوقف الحال يااختى

ذكيه: عمل ايه ياابتسام؟؛ ومين اللي هيعملها احنا ناس في حالنا ومعندناش مشاكل مع حد عشان يأذينا

ابتسام: طيب انا عندى حل عبقري نروح للشيخ المغربي اللي بيجى في التلفزيون ونشوف لو معمول لها عمل يفكه و لو مش معمول لها حاجه هما بيعملوا حاجات لجلب الحبيب والعريس والموضوع ده انتشر اوى اليومين دول

ذكيه: بذمتك مش م**وفه من نفسك واحده متعلمه زيك تقول كده انتى ماتعرفيش ان الرسول صلى الله عليه وسلم بيقول في حديث "من أتى كاهنا او عرافا فصدقه فقد كفر بما انزل علي محمد "

ابتسام: معقووول اول مره يااختى اسمع الحديث ده معلش الجهل مش جهل المدارس والكليات الجهل هو قله معرف*نا بالدين

ذكيه: عندك حق وان كان على بنتى انا متأكده ان ربنا هيرزقها باابن الحلال اللي يسعدها ويراعى ربنا فيها

ده يقينى في الله ودعائي مع كل اذان وفى كل سجده ومتأكده ان ربنا هيستجيب لى

ابتسام: ونعم بالله بس امتى بس

البت داخله علي اتنين وثلاثين سنة زمايلها عيالهم في المدارس دلوقت

حست ذكيه بالضيق من كلامها وحبت تغيىر الموضوع اشربى ياحببتي العصير. ودوقى الكيكه اللي ندى عملاها

كل الحوار دار وندى قاعدة حاسه انها هتطق من كلام عمتها لكنها سكتت ومانطقتش ولا كلمه

★★★★

رجعت خديجه وهى مبسوطة وحاسه ان نفسيتها اتحسنت كتير

مديحه: تعالي يلا يامديحه كلى لقمه واحكى لى عملتى النهارده

خديجه: حاضر هغير هدومى واخد شاور في السريع واقعد معاكى ندردش للصبح

وحشتيني أوى على فكره

مديحه: وانتى كمان والله يابنتى وحشتينى اوى يلا روحى بسرعه وانا هسخن الأكل عما تخلصى

خديجه: لا انا اكلت ماتتعبيش نفسك

دقايق ورجعالك

رجعت خديجه لقت مديحه مجهزه لب وم**رات وعملت شاى ومستنياها

مديحه : يلا جهزت التسالي تعالي احكى لى بقي ايه الاخبار؟

حكت لها خديجه الحاجات اللي اتعلمتها من هدير

خديجه: ان شاءالله الموضوع سهل بس عايز دماغ فايقه ومصحصحه

مديحه : قدها وقدود ياحببتي

ها طمنينى مفيش جدع حليوه كده شغال في المكتبه يحب يجى يشرب معايا الشاى ههههه

خديجه مبتسمة: لا كلنا بنات ودى احسن حاجه وبعدين الجدع الحليوه ده بالله عليكى هيبص لواحده زيى علي ايه؟!!بلا نيله

مديحه: ليه ياحببتي بتقولى كده؟!

خديجه: بحب اكون واقعيه مش بحب ادى لنفسى أمل مش هيحصل او ارسم لنفسى وضع أنا مش قده

واحده زيى مطلقه وعقيم مش بخلف وكل اللي أملكه في الدنيا مائتين جنيه اخويا بيتصدق عليا بيهم كل شهر تفتكرى حد هيعبرنى وبعدين انا أصلا مطلعه فكره الجواز من دماغى خالص كفايه اوى لحد كده

مديحه بحزن: ربنا يبعتلك اللي يسعدك وتسعديه يا بنتى

رن تلفون خديجه واتفاجأت برقم طليقها بيتصل

خديجه: وده عايز منى إيه ده كمان

مديحه: مين ياخديجه؟!

خديجه: ده فؤاد طليقي مش هرد عليه

اعاد الاتصال اربع مرات وماردتش

مديحه: هاتى وانا أرد يمكن فيه حاجه مهمه

مديحه: الو السلام عليكم

فؤاد: وعليكم السلام مش ده تليفون خديجه عبدالله؟!!

مديحه: ايوه انا عمتها فيه حاجه

فؤاد: أأقدر اكلمها من فضلك؟

مديحه: بخصوص ايه انا زى والدتها تقدر تقولي وانا هبلغها

فؤاد: هى ليها امانه معايا ومش هتكلم غير معاها من فضلك اديهانى اكلمها

مديحه : ثوانى لو سمحت

همست لخديجه: بيقول فيه امانه ليكى معاه شوفي عايز إيه واعطتها التليفون

خديجه بضيق: السلام عليكم

فؤاد: وعليكم السلام ازيك يا خديجه طمنينى عليكى اخبارك ايه

تجاهلت خديجه كلامه: خير يافؤاد في حاجه؟!

فؤاد: ايوه مؤخر صداقك اخوكى عايز ياخده من يوم الطلاق وانا م**م لازم اسلمهولك انتى ومش راضي يقولى مكانك

خديجه: ادهوله انا مش عايزه حاجه

فؤاد: ازاى ده حقك وانا مصر لازم تاخديه

خديجه: بس انا مش في المنصوره ماتتعبش نفسك

فؤاد: قولي بس العنوان وانا هتصرف

خديجه: العنوان.......

مع السلامه

مديحه: خير يا خديجه في ايه؟!

خديجه: عايز يجى يدنى مؤخر صداقى مش راضي يديه لسعد طبعا هو عارف ان سعد لو اخده مش هطول منه جنيه

بس انا مكنتش عايزه منه حاجه

هتعمل لى ايه الفلوس؟!!

هتعوضنى عن إيه بالضبط !عن خمس سنين ضاعوا من عمرى في ولا حاجه

ولا علي لقب مطلقه اللي هشيله بقيه عمرى

مديحه: ده حقك يابنتى ده شرع ربنا

وبعدين كفايه كلام في الموضوع ده وتعالى نقوم نصلي العشاء وننام بدرى عشان نقدر نصحى نصلي الفجر حاضر

★★★★

في بيت الحاجه هدى كانوا لسه قاعدين هدى وابنها صلاح ومحمد ونادر وزياد ابنه

سمعوا جرس الباب مره ثانيه

هدى: خير اللهم اجعله خير

نادر: ده أكيد ماما عفاف

محمد: هروح افتحلها

فتح محمد الباب

اهلا ياماما عفاف عامله ايه النهارده

عفاف بحزن شديد: الحمدلله هنقول ايه غير الحمدلله ربنا يعوض عليا

دخلت عفاف وأول ماشافت زياد اخدته في حضنها وفضلت تعيط بحرقه

هدى: اهدى ياحببتي عشان الولد مايتخضش

عفاف بحرقه: نااااار في قلبي ياارب مصيبتى تقيله علي قلبى مش قادره اتحملها قوينى يارب

بعد مده بدأت تهدى وتستجمع قوتها

عفاف: بصوا ياجماعه الكلام اللي هقوله كلكم هتستغربوه وهتقولوا عليا مجنونه وموت بنتى وبناتها أثر علي عقلي

بس صدقونى هو ده الحل الوحيد

هدى بقلق: خير يا حبيبتي؟!؛قلقتينا

عفاف: طبعا دلوقتي انا مش هطمن علي زياد ابن بنتى إلا في رعايه خالته ريهام لان طبعا انتو عارفين ان صحتى على قدى ومش هقدر اخدمه لوحدى وماقدرش يبعد عننا

نادر بعصبية: وانا مش هقدر أسيب ابنى بعيد عنى لأى سبب

عفاف: عارفه باابنى ومقدره ده وعشان كده مفيش غير حل واحد

نادر: اللي هو ايه؟

عفاف: تتجوز ريهام بنتى!!!!!!!

الجميع جاله صدمه وذهووول لما سمعه جملتها الأخيره

محمد: إزاى ده يحصل مستحيييل!!!!

هدى: مش قادره استوعب ازاى؟ ياحاجه عفاف ريهام مخطوبه لمحمد ابنى وفرحهم بعد اربع شهور!!!!!

عفاف: ما. ده الموضوع الثانى اللي انا جايه فيه

وفتحت شنطتها وطلعت علبه الشبكه وحطتها قدامها علي الترابيزه وقالت: كل شيء قسمه ونصيب يا جماعه.

!!!!!!!!!!!!!!!

يتبع